Parlament Májilisiniń depýtattary Murat Temirjanov, Sergeı Zvolskıı, Petr Sharapaev, Irına Aronova jáne Irına Ýnjakova Kókshetaý qalasynyń irgesinde ornalasqan Krasnyı ıar aýylynyń turǵyndarymen, «Tynys» AQ jáne «Novopek» JShS toqyma fabrıkasynyń eńbek ujymdarymen kezdesti.
Halyq qalaýlylary Memleket basshysynyń Joldaýyndaǵy maqsat-mindetterdiń oryndalýy men oǵan barshanyń birlese kirisýi, elimizdiń úshinshi jańǵyrýy jolynda alǵa qoıylǵan tapsyrmalardy oryndaýdyń tıimdiligi men paıdasy jóninde áńgime órbitti.
Depýtattar Murat Temirjanov, Sergeı Zvolskıı jáne Petr Sharapaev «Tynys» kásiporny ujymymen kezdeskennen keıin kásiporynnyń búgingi tynys-tirshiligimen tanysty. «Tynys» AQ – avıasııalyq qural-jabdyqtardyń 45 túrin shyǵaratyn elimizdegi jalǵyz zaýyt. 1959 jyldan beri jumys istep turǵan mekeme 70-ten astam adamdy jumyspen qamtamasyz etip otyr.
Aqmolalyqtarmen kezdesý barysynda aıtylǵan usynystar men tilekter depýtattar nazaryna alyndy.
Asqar TURAPBAIULY,
«Egemen Qazaqstan»
Aqmola oblysy