Jumys saparyndaǵy jurtshylyqpen júzdesýler

Senator Rashıd Túsipbekov Aqmola oblystyq Ádilet departamentinde bolyp, Prezıdent N.Nazarbaevtyń el Konstıtýsııasyna ózgeris­ter men tolyqtyrýlar engizý týraly» zań joba­synyń negizgi erejelerin túsindirý turǵy­synda eńbek ujymymen kezdesý ótkizdi. R.Túsipbekov Prezıdenttiń bılik ókilettikterin qaıta bólý jáne saıası júıeni tutastaı demokratııa­landyrýdy kózdeıtin konstıtýsııalyq reformalardyń mańyzyna oraı jan-jaqty túsinik berdi. Depýtat óz sózinde Konstıtýsııanyń 26-babyna usynylǵan túzetý­lerge erekshe nazar aýdardy. Bul túzetýler Qazaq­stan Respýblıkasynyń azamattaryna ǵana emes, shetel­dik azamattar men azamattyǵy joq adamdarǵa da zańdy túrde alǵan qandaı da bolsa múlkine jeke menshik quqyǵyna kepildikti qamtamasyz etedi. Jeke menshik quqyǵyna usynylǵan kúsheıtýler elimizdegi sheteldik te, otandyq ta ınvestorlarǵa arnalǵan ınvestısııalyq ahýaldy jaqsartýǵa, sondaı-aq, orta tapty jedel qalyptastyrý men nyǵaıtýǵa yqpal etetin bolady. Bul rette Konstıtýsııanyń 26-babyndaǵy ózgeris­ter jer qatynastaryn, onyń ishinde sheteldikterdiń jerdi satyp alýyn rettemeıdi. Jerge jeke menshik máselelerin qarastyratyn Konstıtýsııanyń 6-babyna eshqandaı ózgerister engizilmeıdi», – dedi depýtat. * * * Senator Olga Perepechınanyń jumys sapary Soltústik Qazaqstan oblysynda jalǵasty. Onyń Soltústik Qazaqstan oblystyq prokýrory­nyń mindetin atqarýshy T.Táshimbaevpen jáne Statıstıka departamentiniń ujymymen kezdesýleri barysynda «Konstıtýsııaǵa ózgeris­ter men tolyqtyrýlar engizý týraly» zań jobasy talqylandy. «Qazposhta» aksıonerlik qoǵamynyń Soltústik Qazaqstan oblystyq bólimshesiniń qyzmetker­lerimen kezdesý barysynda jáne Aıyrtaý aýdanyn­daǵy Antonovka, Novoýkraınka aýyldarynyń turǵyn­darymen kezdesý kezinde depýtat jınalǵan­dardy memlekettik bılik tarmaqtary arasyndaǵy ókilet­tikterdi qaıta bólý jónindegi aldaǵy reforma týraly habardar etti. Mamlıýt aýdanyndaǵy Voskresenovka jáne Novomıhaılovka aýyldarynyń turǵyndarymen de Konstıtýsııaǵa usynylǵan ózgeristerdiń jobasy talqylandy. * * * Senat depýtaty Rashıt Ákimovtiń Aqmola oblysyna jumys sapary odan ári jalǵasty. Senator Astrahan aýdanyndaǵy №6 Agrotehnıkalyq kolledjdiń oqytýshylary jáne óndiris sheberlerimen kezdesti. Mádenıet úıinde bolǵan kezdesýde bılik tarmaq­tar­y arasyndaǵy ókilettikterdi qaıta bólý jónindegi aldaǵy reformalar, sondaı-aq, Memleket basshysy N.Nazarbaevtyń «Qazaqstannyń Úshinshi jańǵyrýy: jahandyq básekege qabilettilik» Joldaýyndaǵy negizgi mindetter talqylandy. R.Ákimov Elbasynyń Joldaýyndaǵy erejelerdi iske asyrý jónindegi Parlamenttiń zań shyǵarý qyz­metiniń jospary týraly áńgimeledi. Aýyl tur­ǵyndary memleketti demokratııalandyrý, ekonomıkany jańǵyrtý jáne halyqtyń ál-aýqatyn arttyrýdy kózdeıtin Memleket basshysynyń bastamalaryna qoldaý bildirdi. * * * Parlament Senatynyń depýtaty Serik Jaqsy­bekov Qazaqstan Respýblıkasy Ulttyq ulany 5573 áskerı bóliminiń jeke quramymen kezdesti. Senator Prezıdent N.Nazarbaevtyń konstıtý­sııalyq reformalary men Memleket basshysynyń «Qazaqstannyń Úshinshi jańǵyrýy: jahandyq báse­kege qabilettilik» Joldaýynyń negizgi erejeleri týraly sharaǵa qatysýshylardy jan-jaqty habardar etti. Odan basqa, áskerı qyzmetkerlerdi áleýmettik jaǵynan qorǵaý men turǵyn úımen qamtamasyz etý máseleleri talqylandy. * * * Parlament Senatynyń depýtaty Darhan Káletaev L.N.Gýmılev atyndaǵy Eýrazııa ult­tyq ýnıversıtetiniń professorlyq-oqytý­shy­lar quramymen jáne stýdentterimen kezdesti. Cenator Memleket basshysynyń «Qazaqstannyń Úshinshi jańǵyrýy: jahandyq básekege qabilettilik» Joldaýynyń erejelerin túsindirýge oraı sóz sóıledi. Sondaı-aq, konstıtýsııalyq reformalar men bılik tarmaqtary arasyndaǵy ókilettikterdi qaıta bólý máseleleri egjeı-tegjeıli talqylandy. * * * Senator Marat Taǵymov Aqtóbe oblysyna jumys saparyn jalǵastyrǵan bolatyn. Áıte­kebı aýdanynda senator aýdan aktıvimen, eńbek ujymdarymen, sharýashylyq júrgizýshi sýbek­tilerdiń ókilderimen jáne ardagerlermen kezdesti. Depýtat kókónis ósetin jylyjaıda da boldy. Júzdesýde aýdan jurtshylyǵy Elbasynyń «Qazaq­­­­stannyń Úshinshi jańǵyrýy: jahandyq báse­kege qabilettilik» Joldaýy men ondaǵy bes negizgi basymdyqtardy qyzý talqylady. Jergilikti turǵyn­dar Qazaqstanda úzdik tehnologııalardy qoldanýǵa, onyń ishinde agrarlyq sektordy damytýǵa qajetti búkil resýrstar bar ekenin aıtty. Aýyl eńbekkerlerin aýyl sharýashylyǵyna, jerdi paıdalanýǵa, mal sharýashylyǵyn damytýǵa tikeleı qatysty máseleler tolǵandyrady. Osyǵan baılanys­ty M.Taǵymov jınalǵandardy agrarlyq keshenniń áleýetin damytý jáne ulǵaıtý jónindegi mindetter týraly habardar etti. Senator, sondaı-aq, prokýratýra, sot jáne quqyq qorǵaý organdarynyń qyzmetkerlerimen birqatar kezdesý ótkizdi. Kezdesýlerde konstıtýsııalyq ózgeris­terge qatysty máselelerge nazar aýdaryldy. * * * Senator Serik Bekturǵanov Qostanaı oblysyna jumys babyndaǵy sapary barysynda úkimettik emes uıymdardyń jetekshilerimen kezdesti. Júzdesýde Prezıdent N.Nazarbaevtyń «Qazaq­stannyń Úshinshi jańǵyrýy: jahandyq básekege qabilettilik» Joldaýynyń negizgi erejeleri talqy­lanyp, jan-jaqty áńgime órbidi. Azamattyq sektordyń ókilderi memlekettik organdar men úkimettik emes uıymdardyń ózara is-qımyly jónindegi jumystardy jetildirý jaıynda pikirlerin bildirip, usynystaryn aıtty. Úkimettik emes uıymdardyń jetekshileri Mem­leket basshysynyń Úndeýindegi konstıtýsııalyq reformalardyń mańyzy men erekshelikteri týraly habardar etildi, dep habarlady Parlament Senatynyń baspasóz qyzmeti.