Ellada eli kórmege qatysady

2012 jylǵy 9-10 aqpan aralyǵynda EKSPO-2017 kórmesiniń Komıssary Rápil Joshybaev Grekııa Respýblıkasynda jumys saparymen bolyp, el astanasy Afına qalasynda birqatar memlekettik qyzmetkerlermen kezdesý ótkizdi. Sapar barysynda Grekııanyń qorshaǵan orta jáne energetıka mınıstri Georgıos Statakıs­pen, Ekonomıka jáne damý mınıstr­liginiń bas hatshysy – Grekııa ulttyq seksııasynyń komıs­sary Ilıas Ksanfakospen, sonymen birge «Enterprice Greece» atty Grekııanyń iri ulttyq kom­panııasynyń tóraǵasy Hrıs­tos Staıkostarmen ekijaqty kezdesýler ótkizildi. Energetıka jáne ekonomıka mınıstrligin­de ótkizilgen kezdesý barysyn­da Rápil Joshybaev grekııa­lyq vedomstvo basshylary­men Ellada eliniń Astana qalasynda ótetin halyqaralyq kórmege qatysý múmkindikterin talqy­lady. Sonymen birge, ol osy kez­desýde Elbasy Nursultan Nazarbaevtyń Qazaqstan hal­qyna arnaǵan «Qazaqstan­nyń Úshinshi jańǵyrýy: jahan­dyq básekege qabilettilik» atty Joldaýy­nyń mańyzyn tilge tıek etti. Atap aıtqanda, Rápil Joshybaev kezdesýge qaty­sýshylarǵa elimiz­diń jańa eko­nomıkalyq modelge kósh­­ken­digin jáne sıfrly teh­no­lo­gııany qoldana oty­ryp, ındýs­trııany damytýdyń jańa múmkindikterin belgilegen­di­gin atap kórsetti. EKSPO-2017 kórmesiniń komıssary gre­kııa­­lyq bıznesmenderdi IT-star­taptar­dyń halyqaralyq tehnoparki uıymdastyryla­tyn elordadaǵy halyqaralyq kórmege belsene qatysýǵa shaqyrdy. О́z kezeginde Grekııanyń Ener­­getıka mınıstri Astana­da ótetin kórmege óz eli­niń halyq­aralyq ekologııa­lyq stan­darttarǵa sáıkesten­diri­l­gen naqty energetıkalyq ınfra­­qurylymdy pash etetin­digin aıtty. Grekııa jańǵyr­maly ener­gııalyq qýat kózderin damy­tý máselesinde erekshe táji­rıbe jınaqtaǵan. Búginde bul eldiń elektr energııasyna degen qajettiliginiń 20 paıyzyn kún energııasy qamtamasyz ete­di. Sonymen birge, Grekııa jańǵyr­maly energııa kózderin damy­tý máselesindegi bul múmkin­diktermen shektelip qalmaq emes. 2020 jylǵa deıin bul el jańǵyrmaly qýat kózderinen alynatyn elektr energııasynyń úlesin 30 paıyzǵa jetkizbek. Kezdesý qorytyndysynda, EKSPO-2017 kórmesiniń Komıs­sary R.Joshybaev pen Grekııa­nyń Ekonomıka jáne damý mınıstr­liginiń bas hatshysy I.Ksan­fakos grekııalyq tarap­tyń Astanada ótetin halyqaralyq kórmege qatysýy týraly kelisim­shartqa qol qoıdy. Daıyndaǵan Jylqybaı JAǴYPARULY, «Egemen Qazaqstan»