Osy aptada AQSh FRJ (Federaldy rezerv júıesi) basshysy Djannet Iellen AQSh Parlamentiniń Senaty men Kongresinde monetarlyq saıasaty men ekonomıkalyq ahýal týraly baıandama jasaıdy.
Sonymen qatar, ınvestorlar AQSh-tyń jańa ekonomıkalyq esebin kútip otyr. Sársenbi kúni dollardyń ınflıasııasy men bólshek saýda statıstıkasy jarııalanady. Bul óz kezeginde FRJ-nyń endigi otyrysynda dollardyń paıyzdyq ústemesin kóteriler-kóterilmesine áser etpek.
Brıtanııada tutyný baǵasy, jumyssyzdyq pen bólshek saýdanyń jańa statıstıkasy jarııalanady. Bul Breksıttiń ekonomıkaǵa qalaı áser etetinin boljaýǵa taǵy múmkindik beredi.
Seısenbi kúni Germanııa ótken jyldyń tórtinshi toqsanyndaǵy ekonomıkalyq ósimdi jarııalap, eýroaımaqtyń ekonomıkalyq ahýalyn zertteýge múmkindik beretin málimetter usynady.
Sonymen qatar, tórtinshi toqsandaǵy Japonııanyń ekonomıkalyq ósimi de osy apta jarııalanady.