BUU Qaýipsizdik Keńesi Phenıannyń ballıstıkalyq zymyrandy synaqtan ótkizý máselesin Nıý-Iork ýaqytymen 17:00-de talqylaıtyn bolady. Bul týraly BUU dıplomattary habarlady, dep jazady QazAqparat.
Dúısenbi kúni BUU QK Ýkraına bastamasymen qarýly qaqtyǵystar jaǵdaıynda ınfraqurylymnyń asa mańyzdy nysandaryn qorǵaý jóninde pikirtalastar ótkizedi. Osydan keıin, dıplomattardyń habarlaýynsha, jabyq konsýltasııalar túrinde Koreı túbegindegi jaǵdaı talqylanady, dep jazdy «RIA Novostı» agenttigi. Eske salaıyq, jeksenbi kúni KHDR áreket etý radıýsy ortasha "Pýkkykson-2" ("Temirqazyq-2") ballıstıkalyq raketasyn synady. Koreıanyń Ortalyq telegraftyq agenttiginiń habarlamasyn keltire otyryp Rıonhap-tyń habarlaýynsha, «jer-jer» sanatyndaǵy atalmysh strategııalyq zymyran synaqtan sátti ótti.
2006 jyldan beri Phenıan bes ıadrolyq synaq jáne raketalyq ushyrylymdardyń serııasyn iske asyrdy. 2016 jyldyń ózinde KHDR eki ıadrolyq synaq jasap, birneshe zymyran ushyrdy, sonyń ishinde súńgýir qaıyqtardan ballıstıkalyq zymyrandardyń testilik ushyrylymdary jasaldy. 2017 jyldyń basynda el bıligi qurlyqaralyq zymyrandardy jetildirý jumystarynyń aıaqtalǵanyn habarlady. Buǵan deıin habarlanǵandaı, AQSh, Japonııa jáne Ońtústik Koreıa KHDR-dyń raketa ushyrýyna baılanysty BUU Qaýipsizdik Keńesiniń shuǵyl otyrysyn shaqyrýdy talap etti.