Túrkııada 16 sáýirde Konstıtýsııaǵa ózgerister engizý jóninde jalpyulttyq referendým ótetin boldy. Bul týraly osy eldiń Ortalyq saılaý komıtetiniń basshysy Sadı Gıýven málimdedi, dep habarlaıdy 24Habar.
Onyń aıtýynsha, sharaǵa daıyndyq pen úgit-nasıhat naýqanyna 60 kún beriledi. Al sáýirdegi referendýmda túrik halqy memlekettiń parlamenttik júıeden prezıdenttik basqarý jolyna ótý máselesin sheshetin bolady.
Zań jobasyn «Ádildik jáne damý partııasy» usynǵan bolatyn. El parlamenti ony biraz talqylaýdan keıin ótken qańtardyń 21-i kúni qoldap, qabyldaǵan. «Jobany jaqtaýshylar bul ózgerister memleketti basqarý júıesin jeńildetedi», - deıdi. Alaıda oppozısııalyq partııalar Konstıtýsııaǵa ózgeris engizilip, prezıdenttik júıege kóshse, eldegi bılik bir adamnyń qolyna shoǵyrlanady dep narazylyq tanytyp otyr.