«Qazgıdromet» RMK 14-16 aqpan kúnderine arnalǵan aýa raıy boljamyn usyndy. Qazaqstanda aýa temperatýrasynyń normadan 7-12 gradýsqa tómen bolýynan ornaǵan aıazdar Sibir antısıklonynyń yqpalymen týyndaǵan. Alaıda, sınoptıkter jaqyn kúnderi kún raıy jylynatynyn boljaýda.
«Jerorta teńiziniń shyǵys jaǵalaýyna ornaǵan sıklon 16 aqpanda Qazaqstannyń ońtústigine aýysady jáne ózimen birge respýblıkanyń barlyq aýmaǵyna jaýyn-shashyn men jyly aýa raıyn ákeledi. Eldiń batysynda túngi temperatýra 13-23-ten 3-8 gradýsqa deıin jylıdy, keı jerlerde 11-16 aıaz bolýy múmkin. Soltústikte, shyǵys pen ortalyqta - 20-30 gradýstan 17-25-ke deıin jylıdy, ońtústik óńirlerde 0-5, keıbir aýmaqta 10-15 gradýs aıaz bolýy múmkin. Qyzylorda oblysynda - 10-15, keı jerlerde 20 gradýs aıaz», - delingen Qazgıdromet habarlamasynda.