Bıyl Aqtóbe oblysynyń áleýmettik salasyna 111,8 mlrd teńge bólindi, dep habarlady oblys ákimdiginiń baspasóz qyzmeti.
2016 jyldyń qorytyndysy boıynsha ónerkásip óniminiń kólemi 1 202,7 mlrd. teńgeni qurady. Sonyń ishinde, oblystyń óndeý ónerkásibi respýblıka boıynsha birinshi orynǵa shyqty.
«Aýylsharýashylyǵynyń jalpy ónim kólemi 184,8 mlrd. teńgemen respýblıka boıynsha 3-shi orynda. Investısııalar kólemi 373,7 mlrd. teńge. Qurylys jumystarynyń kólemi 136,3 mlrd. teńge qurady. Qarjylandyrýdyń barlyq kózderinen 616,6 myń sh.m turǵyn úı paıdalanýǵa berildi, bul 2015 jyldyń deńgeıine115,0%. Al ShOB qyzmet etetin sýbektilerdiń sany 50,8 myń birlikti qurap, el boıynsha oblys 2-shi orynda», - delingen habarlamada.
2016 jyly MJÁ (memlekettik jeke áriptestik) aıasynda 7 joba boıynsha kelisim-sharttar jasalyndy, 2017 jyly qosymsha MJÁ-tiń 12 jobasyn iske asyrý josparda. Aldaǵy ýaqytta, oblystyń ár aýdanynda MJÁ-tiń keminde 2-3 jobasyn iske asyrý josparlanýda..
Áleýmettik salaǵa bıyl 111,8 mlrd. teńge qarastyrylǵan, onyń ishinde bilim berýge 67,2 mlrd. teńge, densaýlyq saqtaýǵa 28,6 mlrd. teńge.
2016 jyly Ulttyq qordyń qarajattary esebinen Aqtóbe qalasynyń «Nur Aqtóbe» aýdanynda 1200 oryndy, Zarechnyı-3 aýyldarynda 600 oryndy, Kirpishti aýylynda 320 oryndy 3 mekteptiń jáne Aqtóbe qalasynyń Qarǵaly aýylynda jáne Batys-2 móltek aýdanynda árqaısysy 320 oryndy 2 bala baqshanyń qurylysy aıaqtaldy.
Jergilikti bıýdjet esebinen árqaısysy 100 oryndy Qarǵaly aýdanynyń Álimbet aýylynda, Alǵa aýdanynyń Qaraqudyq aýylynda, Mártók aýdanynyń Aqqaıyn aýylynda 3 mekteptiń qurylysy aıaqtaldy.
«Nurly jol» Memlekettik baǵdarlamasy aıasynda 2016 jyly ınvestısııa kólemi 18,0 mlrd. teńgege 65 joba júzege asyrylýda. Onyń 17,9 mlrd. teńgesi nemese 99,2% ıgerildi.