Bank sektoryn saýyqtyrý maqsatynda, problemalyq nesıeler qoryna 2 trln teńge bólinedi. Bul týraly búgin QR Ulttyq bank basshysynyń orynbasary Oleg Smolıakov málim etti, dep habarlaıdy QazAqparat.
«Bank sektoryn saýyqtyrý tapsyrmalaryn oryndaý aıasynda problemalyq nesıeler qoryn kapıtaldandyrý qarastyrylǵan», - dep atap ótti Smolıakov «2017-2019 jyldarǵa arnalǵan respýblıkalyq bıýdjet týraly» zańdy tanystyrý kezinde.
Depýtattardyń atalmysh kapıtalızasııanyń kólemi týraly qoıylǵan saýalyna Ulttyq bank ókili: «2 trln teńge», - dep jaýap qatty.
«Qazirgi ýaqytta qor túrli prınsıptermen jumys isteýde. Onyń normatıvtik-quqytyq bazasy jasaldy. Onda qor shartty qarjylandyrýdy júrgize alady, sonymen qatar aktıvterdi túrli formattarda: balanstyq quny boıynsha jáne naryqtyq baǵasy boıynsha satyp ala alady», - dedi Oleg Smolıakov.