Balqash qalasyndaǵy kóp qabatty úılerdiń birinen órt shyǵyp, eki jasar bala, onyń ata-anasy men kórshisi tilsiz jaýdyń saldarynan qaza tapty, dep habarlaıdy baq.kz
Oqıǵa ornyna kelip jetken órt sóndirýshiler 4 adamnyń máıitin tapqan. Qaraǵandy oblysy tótenshe jaǵdaılar departamentiniń málimetinshe, máıitter birinshi jáne ekinshi qabattaǵy eki páterden tabylǵan.
«Turǵyn úıden 14 adam evakýasııalandy. О́rt sóndirýshiler ekinshi qabattaǵy páterlerdi teksergen ýaqytta úsh adamnyń máıiti tabyldy. Onyń bireýi bala. Bul páterde órt bolmaǵan. О́rt birinshi qabattaǵy páterden shyqqan», – dep habarlaıdy tótenshe jaǵdaılar departamenti.
О́rt 30 sharshy metr aýmaqty qamtyǵan. Tilsiz jaýdyń saldarynan páterdegi jıhazdar, esik pen terezeler, sondaı-aq eden órtenip ketken.
«О́rtti sóndirý kezinde páterden er adamnyń máıiti tabyldy. Tótenshe jaǵdaıdyń sebepteri anyqtalyp jatyr», – dep málimdedi departamenttiń baspasóz qyzmeti.