Úndi banki ashyldy

Keshe Astanada «PNB Qazaqstan» enshiles banki» AQ-tyń tusaýkeser rásimi bolyp ótti. Jańa bank Úndis­tan­daǵy asa iri Punjab National Bank-tiń enshiles banki bo­lyp tabylady. Rásimge  Úndistannyń Qazaqstandaǵy Tó­tenshe jáne ókiletti elshisi Ashok Kýmar Sharma, «PNB Qazaqstan» EB» AQ basqarma tóraǵasy Kandpal Sandjaı, Punjab National Bank-tiń tóraǵasy jáne at­qarýshy dırektory Kamat Kansargod Ramachandra, «PNB Qazaqstan» EB» AQ dırektorlar keńesiniń tóraǵasy Dýbeı Shashı Kant, dırektorlar keńesiniń múshesi Tımýr Qýanyshev qatysty. 2010 jyly buryn «Dana Bank» AQ degen atpen belgili bank Punjab National Bank aksııa paketteriniń basym bóli­gin satyp alýynyń nátı­je­sinde «PNB Qazaqstan» EB» AQ ataýymen aýystyryldy. Astana fılıalynyń ashylý saltanatynda sóılegen Dýbeı Shashı Kant Punjab National Bank úshin óte mańyzdy sát­ter­diń biri ekendigin jetkizdi. Astana qalasynda jańa fı­lıaldyń ashylǵanyna qýa­nysh­tymyz, deı kele Úndistan elshisi Ashok Kýmarǵa sóz tizginin berdi. Elshi óz kezeginde eki el arasyndaǵy ekono­mı­kalyq qatynastarǵa sáttilik tiledi. Al Punjab National Bank-tiń tóraǵasy jáne atqarýshy dırektory Kamat Kansargod Ramachandra 2009 jyly Qazaqstan Prezıdenti N.Nazarbaevtyń Úndistan eline jasaǵan resmı sapary eki el arasyndaǵy qarym-qa­ty­nastardyń mańyzdylyǵynyń dáleli. Jyl saıyn ósip kele jatqan ekonomıkalyq qaty­nastar, saýda salasyndaǵy árip­testik arqasynda úndi eli úshin Qazaqstan Ortalyq Azııa elderindegi eń iri saýda árip­tesine aınalyp otyrǵanyn aıta kelip, óz banki týraly má­limet bere ketti. О́z elinde mem­lekettik sektorda ekinshi oryn alatyn banktiń búkil álem boıynsha 5 myńnan astam fı­lıaly bar kórinedi. Tu­raq­ty kiris dınamıkasyna, min­siz sa­raptamalyq kórset­kish­­terge ıe banktiń 65 mln.-nan astam klıenti bar. О́z ta­rıhynda birde-bir ret opera­sııalyq shyǵynǵa ushyrap kórmegen Punjab National Bank Eýropa, Azııa men Amerıkada kóptegen ókildikteri men enshiles kom­panııalary jumys isteıdi. Bank «Dana Bank» AQ-tyń aksııa kóleminiń 84 %-yn satyp alý arqyly Qazaq­stan­dy úı­les­tirý ortalyǵyna aı­nal­­dy­rýdy kózdeıdi. Qazirgi kezde banktiń jarǵylyq kapı­taly 10,5 mlrd. teńgege jetken. Al Punjab National Banki bız­nesiniń jalpy kólemi 126,84 mlrd.dollar. Sońǵy jyly taza tabysy 994 mln.AQSh dollaryn quraǵan. Bank buǵan deıin Almaty qalasynda óz ókildigin ashqan bolatyn. Endi Astana qala­syn­da da ashyldy. Bank Qa­zaq­stan azamattaryna, eldegi úndi dıasporasy ókilderine jáne eki eldiń korporatıvti klı­entterine qyzmet kórsetpek. Venera TÚGELBAI.