97,69 paıyz daýyspen jeńiske jetti

Túrikmenstannyń qazirgi bas­shysy Gýrbangýly Berdim­u­ham­edov Túrikmenstan prezıdenti bolyp qaıta saılandy. Eldiń Ortalyq saılaý komıssııasy osymen úshinshi ret respýblıka prezıdenti bolyp saılanǵan G.Berdimuhamedov bul joly 97,69 paıyz daýys jınaǵanyn resmı túrde málimdedi. Sonymen qatar, saılaýlar men referendýmdar ótkizý jónindegi Ortalyq saılaý komıssııasynyń tór­a­ǵa­sy jeksenbi kúni ótken saılaýǵa ha­lyq­tyń 97,27%-y qatysqanyn habar­lady. Zań boıynsha, Túrikmenstan pre­­zıdenttiginen úmitker daýys be­rý­shi­lerdiń jartysynan kóbiniń daýysyn jınaý kerek bolatyn. Al resmı má­limetke qaraǵanda, saılaýǵa daýys be­rý quqyǵy bar azamattardyń 97 paı­yzy qatysqan. Bul – rekordtyq kór­setkish. О́tken jyldyń 14 qyrkúıeginde qa­byldanǵan Túrikmenstannyń jańa konstıtýsııasyna sáıkes, prezıdenttik ókilettigi 7 jylǵa deıin uzartylyp, prezıdent bolý úshin 70 jasqa deıingi shekteýdiń alynyp tastalǵany belgili. Jańa konstıtýsııa talabyna sáıkes, G.Berdimuhamedov endi eldi aldaǵy 7 jyl boıy basqarady. Túrikmenstandaǵy saılaý pro­se­sin halyqaralyq baıqaýshylar saı­­laýǵa jastardyń da kóp qa­tys­qa­nyn má­limdedi. Olar da atalǵan el­degi pre­zıdenttik saılaý ulttyq zań­na­ma­lar men memlekettiń halyqaralyq sa­la­daǵy qabyldaǵan mindettemelerine saı ótkeni týraly qorytyndy jasady. Sonymen qatar, Shanhaı yn­ty­­maq­­tastyq uıymynyń ókil­deri de­ daý­ys berý barysynda birqatar je­­­ke­­le­­gen tehnıkalyq olqy­lyq­tar­ ushy­ras­qanymen, onyń saı­laý­shy­­lar­dyń tań­daý nátıjesine áseri bol­m­a­ǵanyn jarııa etti.