Keshe Qazaqstan Respýblıkasy Joǵary sot keńesiniń tóraǵasy Ońalsyn Jumabekovtiń basshylyǵymen Qazaqstan Respýblıkasy Joǵary sot keńesiniń kezekti otyrysy ótti.
Keńes otyrysynda sot júıesi ımıdjin kóterý, sýdıalardyń táýelsizdigi jáne eshkimniń tıispeý kepildigin qamtamasyz etý, prokýrorlardyń usynymdaryn qaraý boıynsha zańdylyqty buzýshylyqtardy joıý jáne sýdıalardy tártiptik jaýapkershilikke tartý týraly sýdıalardyń tártiptik-biliktilik alqalary qyzmetiniń máseleleri, sondaı-aq sot júıesindegi kadrlyq máseleler qarastyryldy.
Jekelep alǵanda, jergilikti jáne odan basqa sottardyń tóraǵasy qyzmetine taǵaıyndaýǵa 17 úmitker jáne atqaryp jatqan qyzmetterinen bosatýǵa 13 sýdıa, onyń ishinde teris sebeptermen qyzmetterinen bosatýǵa úsheýi Memleket basshysynyń qaraýyna usynyldy. Sondaı-aq, M.M.Maksýdovtyń otstavkadaǵy sýdıanyń mártebesine kir keltiretin qylyq jasaýymen baılanysty onyń otstavkasyn toqtatý týraly usynym qabyldandy, dep habarlady Qazaqstan Respýblıkasy Prezıdenti Ákimshiliginiń Memlekettik-quqyq bólimi.