Mańyzdy jobaǵa mán berildi

Almaty oblysynda Pre­mer-Mınıstrdiń orynba­sa­ry – Indýstrııa jáne jańa tehnologııalar mı­nıstri Áset Isekeshev pen «QTJ» UK» AQ prezıdenti Asqar Mamın­niń qaty­sýy­men «Qorǵas» halyqaralyq shekara­lyq keden beketi orta­ly­ǵyn da­my­tý men Jetigen-Qor­ǵas temir jol jelisiniń qurylys ba­ry­sy tý­raly kóshpeli shtab otyrysy ótti. Shtab otyrysyna Tótenshe jaǵdaılar mınıstrligi, Keden komıteti, Shekara qyzmeti, Indýstrııa jáne jańa tehnologııalar mınıstrligi, Kólik jáne kommýnıkasııa mınıstrligi, «QTJ» UK» AQ jáne Almaty oblystyq ákimdiginiń ókilderi qatysty. «Qorǵas» shekaralyq keden be­keti – Qazaqstan men QHR ara­syndaǵy ýaǵdalastyqqa saı ja­sal­ǵan iri joba. Bul eki el ara­syndaǵy tranzıttik áleýetti da­mytýǵa arnalǵan Batys Eýropa – Batys Qytaı kólik dálizi jo­ba­syn júzege asyrýdyń bir parasy ispetti. «Qorǵas» HKBO elimizdegi kóliktik-logıstıkalyq damytý júıesiniń mańyzdy bir bóligi bolyp sanalady. Memleket bas­shy­synyń 2016 jylǵa deıin Qa­zaqstandy Ortalyq Azııa aıma­ǵy­nyń saýda, logıstıkalyq jáne iskerlik halyqaralyq baıla­nys­tyń kóp salaly ortalyǵyn jasaý jónindegi tapsyrmasyna oraı Úkimet sheshimimen «Qazaqstan temir joly» ulttyq kompanııa­synyń basqarýyna senip tapsy­rylsa, Qazaqstan men Qytaı arasyndaǵy saýda-ekonomıkalyq áriptestiktiń mańyzdy bóligi «Samuryq-Qazyna» ál-aýqat qo­ry júıesine kiredi. Osyǵan oraı kompanııa senimdi basqarýǵa ǵana ıe bolyp qoımaı, ortalyqtyń keshendi túrde damýyna yqpal etedi. Qazaqstan temir joly óz tarapynan memlekettik yqpal­das­qan kóliktik-logıstıkalyq ope­rator retinde Jetigen-Qorǵas temir jol jelisiniń qurylysynda ekinshi shekaralyq beketti jáne Altynkól stansasynyń jobasyn júzege asyrady. Bolashaqta Úki­met «Qorǵas-Shyǵys qaqpasy» arnaıy ekonomıkalyq aımaǵy jo­basynda saýda, kóliktik-logıs­tı­kalyq, ındýstrııalyq jáne iskerlik alańyn júzege asyrmaq. «Batys Eýropa-Batys Qytaı» kó­lik joly, «Jetigen-Qorǵas» temir joly sekildi jobalar Qy­taımen eki arada ekonomıkalyq, mádenı, týrıstik qarym-qatynas kókjıegin keńeıte túspek. Oǵan qosa jeke ınvestısııalar tartý­ǵa, eksportty damytýǵa, turǵyn­dardyń áleýmettik-turmystyq jaǵdaılaryn kóterýge, jańa jumys oryndarynyń ashylýyna yqpal etedi. Qanat ESKENDIR.