Zaman talabyna qaraı oqýshylarǵa mektepten bastap, bilim berýdiń jańa júıesin meńgertý qajettigi týyndap otyr. Ásirese, jańa tehnıkany, tehnologııany paıdalanyp, qashyqtyqtan oqytýdy júzege asyrý sońǵy jyldary elimizde keń qanat jaıa bastady. Sonyń bir dálelindeı, ótken dúısenbi kúni elordadaǵy №53 mektep-lıseıdiń bazasynda «e-Iearning» elektrondy oqytý júıesiniń qanatqaqty jobasy iske qosyldy. Bul elimizdiń 2011-2012 jyldarǵa arnalǵan memlekettik baǵdarlamasynyń aıasynda oryndalǵan jumys. Onyń tusaýkeser rásimine Bilim jáne ǵylym mınıstri B.Jumaǵulov, Baılanys jáne aqparat mınıstri A.Jumaǵalıev qatysty.
Jańa oqý jylynda atqarylǵan bul is Astana – Almaty qalalary men Qaraǵandy oblystaryn elektrondy oqytý júıesimen qamtıtyn 44 bilim berý uıymdarynyń arasyn jalǵastyrady. Olardyń qatarynda mektep, kolledj jáne kásiptik lıseıler bar. Bul júıe oqýshynyń turǵylyqty jerine qaramastan, aýyl, qala demeı, bárinde de oqytyla beredi. Mundaı jaqsy qadam aýyl mektebi men qala mektebiniń arasyndaǵy alshaqtyqty joıýǵa septigin tıgizeri sózsiz. Bul qurylym ınternetke qosylatyn bolady. О́zge de materıaldyq-tehnıkalyq jabdyqtar ornatý kózdelgen. Sol sekildi bilim berý úlgisin tolyq avtomattandyrý arqyly muǵalimderdiń jumysyn jaqsartýǵa, olardyń sabaqqa daıyndalýyna edáýir jeńildikter jasaıtynyn da aıta ketkenimiz lázim. Bul jobanyń júzege asyrylýy eki kezeńnen turady. Birinshi kezeńde (2011-2015) bilim berý uıymdarynyń 50 paıyzy, al ekinshi kezeńde (2016-2020) 90 paıyzy iske qosylmaq.
Súleımen MÁMET.