Sensor Tower zertteý kompanııasynyń sarapshylary iOS 11 operasııalyq júıesi shyqqan kezde iPhone men iPad-qa arnalǵan 187 myń qosymshanyń isten shyǵatynyn aıtty, dep jazady Mashable.
Buǵan deıin Apple kompanııasy jańa nusqada 32-bıtti qosymshadan bas tartatynyn aıtqan bolatyn. Sensor Tower málimetinshe, ondaı baǵdarlamalar barlyq AppStore-diń 8 paıyzyn qamtıdy.
Sarapshylardyń aıtýynsha, Apple qosymsha ıelerine mindetti túrde jańartý jumystaryn júrgizý kerektigin 2015 jyly eskertken. Tipti, iOS 10 beta-nusqasynda eski baǵdarlamalar jańa júıede jumys isteı almaıtyny týraly habarlamalar da shyǵyp turady. Biraq, 187 myń qosymshaǵa qatysty esh shara qoldanylmaǵan.
iOS 11 operasııalyq júıesi Kalıfornııada 5-9 maýsym aralyǵynda ótetin WWDC 2017 konferensııasynda tanystyrylady.