Shırek ǵasyr – 300 qujat

Qazaqstan Respýblıkasynyń Ulttyq mýzeıinde «Qazaqstan-Reseı: máńgilik dostyq strategııasy» atty tarıhı derekti kórme ashyldy. Bıyl elimizdiń Reseı Federa­sııa­symen dıplomatııalyq qarym-qatynas ornatqanyna 25 jyl. Osy jyldar ishinde eki el arasynda qanshama kelis­sózder jasalyp, sandaǵan qujattarǵa qol qoıyldy. Bul qujattar ótken shaq­tyń enshisinde qalyp, muraǵatqa tabystalǵanymen, tatý kórshiliktiń bir aıǵaǵy retinde qunyn eshqashan joı­maıtyny belgili. Osy oraıda Qa­zaqstan Mádenıet jáne sport mınıstr­liginiń, Reseı Federaldy muraǵat agenttiginiń uıymdastyrýymen ótken shara qujattardyń túp-tórkinin ta­nýǵa baǵyttaldy. Kórmeniń ashylýynda elimiz tara­pynan Prezıdent Ákim­shiligi Basshy­synyń birinshi orynbasary Marat Tájın Elba­sy N.Nazarbaevtyń, Re­seı tara­pynan Reseı Federasııasy Prezıdentiniń shet memlekettermen óńiraralyq jáne mádenı baılanys jónin­degi basqarmasynyń bastyǵy Vladı­mır Chernov prezıdent V.Pýtın­niń quttyqtaý hat­taryn oqyp berdi. Má­denıet jáne sport mınıstri Arys­­tanbek Muhamedıuly, Reseı Federal­dy muraǵat agent­tiginiń jetekshisi Andreı Ar­tızov, sondaı-aq, Reseıdiń Qazaqstandaǵy Tótenshe já­ne ókiletti elshisi Mıhaıl Bochar­nıkov tarapynan da dıplo­matııalyq qarym-qatynastyń 25 jyldyǵyn áıgileıtin kórmege jyly lebizder arnaldy. Eki eldiń áriptestiginiń negizi san ǵasyrlardy kóktep ótip, elimiz táýel­sizdik alǵan tus­ta jańa arnaǵa bet burdy. Bul oraı­da eń aldymen 1992 jyly qa­byldanǵan Dostyq, ynty­maq­tastyq jáne ózara kómek týraly kelisimdi atap ótýge bolady. Eki jaqty qarym-qaty­nastyń negizgi ustanymdary beki­tilgen bul qujat memleketter ara­syn­da saıası jáne ekonomıkalyq baı­­lanystardyń turaqty damýyn qamtamasyz etti. Al, 1998 jy­ly eki el basshy­larynyń Máń­gi­lik dostyq pen odaq­tastyq tý­­raly kelisimge qol qoıýy ynty­­maq­­- tas­tyqtyń odan ári ny­ǵaıýyna múmkindik bergeni belgili. Kórme materıaldary eki memleket arasyndaǵy senimniń joǵary deń­geıine, ózara tú­si­nistik pen qoldaý dástúr­leri, shynaıy strategııalyq árip­tes­tik pen odaqtastyqqa negizdelgen Qazaq­stan-Reseı ynty­maq­tastyǵynyń syndarly úlgisin ashyp kórse­tedi. Kór­me ekspozısııasyna elimiz­­diń Ulttyq muraǵaty men Reseı memle­kettik muraǵatynyń qorynan alynǵan saıası-ekono­mıkalyq jáne mádenı-gý­ma­nı­tarlyq baǵyttaǵy 300-den asa qu­jattar qoıyldy. Olar mem­le­ket­aralyq, úkimetaralyq já­ne aımaqa­ra­lyq deńgeılerdegi túrli baǵyttaǵy min­det­terdi tıim­di sheshýge múmkindik beredi. Sharanyń ashylý saltanatyna eki eldiń memleket jáne saıası qaırat­kerleri, vedomstvolardyń basshylary, mádenıet jáne ǵylym salasynyń ókilderi qatysty. Aıgúl SEIILOVA, «Egemen Qazaqstan»