Memlekettik saqtandyrý – áleýmettik mańyzy zor másele

Parlamenttiń tómengi palatasynda mindetti áleýmettik medısınalyq saqtandyrý týraly zań jobasynyń túzetýleri tanystyryldy. Densaýlyq saqtaý mınıstri Eljan Birtanov jańa qujatqa qatysty Májilis depýtattarynyń aldynda baıandama jasap, olardyń saýaldaryna jaýap berdi. «100 naqty qadam» Ult jos­pary­nyń 80-qadamyn iske asyrý úshin ótken jyldyń qarasha aıynda «Min­detti áleýmettik saqtan­dyrý týra­ly» Zań qabyldanǵan bola­tyn. Atal­ǵan zańda medısınalyq saq­tan­dyrý júıesin qalyptastyrý bo­ıyn­sha tıisti normalar qaras­ty­rylǵan. Mınıstr «Qazaqstan Res­pýb­­lıkasynyń densaýlyq saqtaý salasyna qatysty birqatar zań akti­lerine ózgerister men tolyqtyrýlar engizý týraly» zań jobasy­nyń aıa­syn­da 6 kodeks pen 16 zańǵa óz­geris­ter engiziletinin jetkizdi. E.Birtanovtyń aıtýynsha, eldegi makro­ekonomıkalyq ahýaldarǵa baılanysty, sonymen qatar, jumys berýshilerge artylatyn mindetterdi tómendetý úshin tólenetin jarna kólemin azaıtý týraly usynystar túsken. Bul usynys qoldaý taýyp, Memleket basshysyna usynylǵan. – Memleket basshysy bul túzetý­lerdi maquldady. Osylaısha, mem­le­kettiń mindetti áleýmettik medı­sınalyq saqtandyrýdaǵy jarna­sy­nyń kólemi bekitildi, – dedi mınıstr. Sonymen, memlekettik jarna kólemi 2018 jyldyń 1 qańtarynan bastap – memlekettik jarna tóleý nysanynyń 3,75 paıyzyn qurasa, 2019 jyldyń basynan – memlekettik jarna tóleý nysanynyń 4 paıy­zy­na kóteriledi. Al 2022 jyldan bastap bul kórsetkish 4 paıyz­dan kem bolmaýǵa tıis. Bul oraı­da, memlekettiń jarnasy respýb­lıka­lyq bıýdjet týraly zańmen tıisti jylǵa sáıkes bekitilip otyratyn bolady. Mindetti áleýmettik medı­sı­nalyq saq­tandyrýǵa qatysty jumys berýshilerdiń jar­­nasy da jyl sanap kóterilip otyrmaq. Onyń kólemi bıylǵy jyldyń basynan bastap aýdarylǵan tólem nysanynyń 1 paıyzyn quraı­tyny belgili. Kelesi jyly bul kórsetkish 1,5 paıyzǵa kóbeıse, 2020 jyly 2 paıyzǵa, 2022 jyly 3 paıyzǵa jetýge tıis. О́zin ózi jumyspen qamtyǵan azamattar bolsa, 2018 jyldyń 1 qań­tarynan bastap saqtandyrý qoryna tabysynyń 5 paıyzyn quraı­tyn jarna tóleýge mindetteledi. – 18 jasqa deıingi múgedek bala­ǵa kútim jasaıtyn jumyssyz adam­darǵa memleket esebinen jarna tólenedi. Joǵary oqý ornyn bitir­gen túlekter de 3 aıǵa deıin jarna tóleýden bosatylady. Jumyssyz júrgen oralmandar tirkelgen kúnnen bastap, bir jylǵa deıingi aralyqta jarna tólemeıdi, olar memleket esebinen mindetti saqtandyrýǵa ıe bolady. Tegin medısınalyq saq­tandyrýǵa jumyssyz júrgen jáne Qazaqstanda turaqty túrde turatyn shet el azamattary, olardyń ishinde zeınetkerler, balalar, múgedekter, stýdentter qol jetkize alady, – dedi E.Birtanov. MÁMS júıesiniń engizilýine baılanysty áskerı qyzmetkerlerge, arnaıy memlekettik jáne quqyq qor­ǵaý organdarynyń qyzmet­kerlerine medısınalyq kómek kór­­setý, sonymen qatar, osy kate­go­­rııa­­ǵa jatatyn, zeınetaqy ala­tyn azamattar men olardyń otbasy múshelerine medısınalyq kómek kór­setý máselesi de retteýdi qajet etedi. Osyǵan qatysty mınıstr ás­kerılerge, quqyq qorǵaý, arna­ıy memlekettik organdar qyzmet­kerlerine áskerı-medısınalyq mekemelerde memleket esebinen medısınalyq kómek kórsetiletin qazirgi tártipti qaldyrý týraly usynys aıtty. – Kúshtik qurylymdardan tıis­ti jas shegine jetkennen keıin nemese basqa da sebepter bo­ıyn­sha qyzmetinen bosatylǵan zeınet­ker­lerge, sonymen qatar, olardyń qaraýyndaǵy otbasy múshelerine áskerı-medısınalyq mekemeler, basqa da densaýlyq saqtaý mekemeleri Qor aktıvteriniń esebinen qyzmet kórsetedi, – dedi mınıstr. Olarǵa sanatorıı, kýrort qyzmetin usyný da burynǵy­syn­sha memleket esebinen júze­ge asyrylmaq. Arnur ASQAR, «Egemen Qazaqstan»