Qaradomalaqtar qýanyshy

Baıan­aý­yl­dyń qoınyn­da­ǵy kóp aýyl­da­rdyń biri – Qara­­jar, ekinshisi Qa­ratomar dep ata­lady. Ekeýi de Aqsan aýyldyq aý­ma­ǵyna qaraı­dy. Qazir qarap otyrǵany bir mektep bol­ǵan soń, jyl saı­yn 1-synyp­qa keletin bala sanynyń kóbeıgeni árıne, aýyl úshin qýanysh. О́tken jyly baıa­n­aýyldyq 213 ana «Al­tyn alqa» alsa, 272 ana «Kúmis alqa» ıegerleri atanypty. Al, elimizde qa­byl­danǵan «Balapan» baǵ­dar­la­ma­sy arqyly mektep jany­nan ashylyp jatqan shaǵyn orta­lyq­tar bolsa, úıde otyrǵan aý­yl­dyń qaradoma­laq­taryn olardyń, ata-analaryn taǵy bir qýantty. Qa­rajar aýylyndaǵy jalpy bilim beretin orta mekteptiń negizinde ashylǵan «Nuraı» atty shaǵyn ortalyqqa bul kúnde on bala kelip júr. Aýdan ákimdigi bul or­talyqty ashý úshin 1 mıllıon 145 myń teńge jumsapty. Mektep dırek­tory Aınagúl Shomaqo­va­nyń aıtý­yn­sha, aýylda bes jasqa deıingi taǵy da elý shaqty bala bar eken. Qazirgi kezde shaǵyn or­talyqty 20-30 balaǵa laıyqtap qaıta qalyp­tas­tyrý jumystary qolǵa alynýda. Sha­ǵyn ortalyqta aýyldyń toǵyz adamy jumys ja­saıdy. Mysaly, Aqbota Bapı ob­lys ortalyǵyndaǵy peda­gogıka­lyq kolledj bitirip, al­ys­­taǵy aýylǵa kelipti. Al, kórshiles Qa­ra­tomar aýylyndaǵy jalpy bilim beretin orta mektep janynan ashyl­ǵan «Móldir» atty shaǵyn orta­lyq­qa 43 bala keledi. Aýyl­dyń qyz-kelinshekterine de ju­mys tabyldy. Eki shaǵyn orta­lyq­ta da balabaq­sha­daǵydaı bar­lyq jaǵdaı jasalǵan. Aýdan áki­mi Ernur Aıtkenovtyń aıtý­­yn­sha, aýyl ishi «Balapan» – ıgilikke, jaq­sylyqqa oraı jasalǵan baǵ­darlama dep otyr eken. Al, aýdanda qazirgi kezde 15 aýylda osyn­daı shaǵyn ortalyqtar jáne 4 ba­labaqsha jumys jasaıdy. Farıda BYQAI. Pavlodar oblysy, Baıanaýyl aýdany.