Senim gramotalaryn qabyldady

Memleket basshysy Nursultan Nazarbaev Qazaqstan Res­pýb­lıkasynda jańadan taǵaıyndalǵan birqatar shetel elshilerinen Senim gramo­tala­ryn qabyldady, dep habarlady Qazaqstan Respýblıkasy Prezıdentiniń baspasóz qyzmeti. Italııa Respýblıkasynyń Tó­tenshe jáne ókiletti elshisi Alberto Pıerı, Eston Respýblı­ka­sy­nyń Tótenshe jáne ókiletti elshisi Iаan Heın, Slovak Respýb­lı­kasynyń Tótenshe jáne ókiletti elshisi Lıýbomır Regak, Malaı­zııa­nyń Tótenshe jáne ókiletti elshisi Ahmad Rasıdı ben Hazızı Prezıdentke Senim gramotala­ryn tapsyrdy. Rásim kezinde sóılegen sózin­de Memleket basshysy Tótenshe jáne ókiletti el­shi­lerdiń dıplo­ma­tııalyq mıssııanyń bas­shy­sy retinde qyzmetine kirisýleri Qa­zaq­stan úshin aıryqsha kezeńmen – Táýel­siz­digi­mizdiń 20 jyldy­ǵy­men oraılas kelip otyr­ǵanyn atap ótti. Osy jyldar ishinde Qa­zaqstan ornyqty damý úshin myq­ty irgetas – zamanaýı naryqtyq ekonomıkany, ornyq­ty saıası júıe­ni, toptasqan azamattyq qo­ǵamdy qalady. – Bizdiń elimiz – ıadrolyq qa­rýsyzdaný jáne ony taratpaý salasynda aýqymdy halyq­ara­lyq yntymaqtastyqtyń belsendi múshesi, biz álemdegi 180-nen astam memleketpen syrtqy saıası baılanys jasap kelemiz. Biz ja­qyn­da Semeı ıadrolyq polıgo­ny­nyń jabylýynyń 20 jyldyǵyn atap óttik. Azııa men Eýropanyń túıisken jerinde ornalasa oty­ryp, bizdiń elimiz halyqtar men órkenıetterdi baılanystyratyn dos­tyq pen ózara túsinistiktiń kópiri qyzmetin atqara alady, – dedi Memleket basshysy. Qazaqstannyń halyqaralyq arenadaǵy bedeliniń artqanyna Eýro­padaǵy qaýip­sizdik jáne yn­tymaqtastyq uıymy, Shanhaı yn­tymaqtastyq uıymy tárizdi bedeldi uıymdarǵa tabysty tór­aǵa­lyq etýi dálel bolady. Qazirgi ýaqytta bizdiń elimiz Islam yn­ty­maqtastyǵy uıymyna tóraǵa­lyq etýde. Musylman álemi elderimen qarym-qatynasty jan­dan­dyrý Qazaqstannyń kóp­vek­torly syrtqy saıasatynyń basymdyq­ta­rynyń biri bolyp tabylady. Prezıdent Malaızııany Oń­tús­tik-Shy­ǵys Azııadaǵy jáne jalpy alǵanda, musyl­man ále­min­degi mańyzdy seriktes el retinde qarastyratynyn málimdedi. Bizdiń elderimiz arasyndaǵy senimdi ekijaqty baıl­a­nystar jo­ǵary jáne bıik deńgeıde. Malaızııa Premer-mınıstri Nadjıb Razaktyń bıylǵy jyldyń maý­symynda Astanaǵa sapary eki­jaq­ty qarym-qatynastarǵa qo­symsha serpin berdi. – Biz Malaızııanyń Islam yntymaqtas­tyǵy uıymynyń qa­lyp­tasýy men damýyna qosqan úle­sin joǵary baǵalaımyz. IYU-nyń aıasyndaǵy qazaq­stan­dyq tóraǵalyqqa Malaızııanyń qoldaý kórsetýi biz úshin óte ma­ńyzdy, – dedi Memleket bas­shysy. Nursultan Nazarbaev Eýro­pa­lyq Odaq elderi arasyndaǵy biz­diń jetekshi ekonomı­ka­lyq se­riktesterimizdiń ári iri ınves­tor­larymyzdyń biri – Italııamen yn­tymaq­tastyqqa Qazaqstan úl­ken mán beretinin atap ótti. Qa­zaqstan men Italııa arasynda yn­­tymaqtastyq pen onyń keleshek da­mýy­nyń barlyq baǵyt­ta­ryn qamtyǵan Strate­gııalyq seriktestik týraly shartqa qol qoı­ylǵan. Eki el arasynda joǵary deń­geıde jaqsy únqatysý ornyq­qan. Bul kezdesý bizdiń elderimiz arasyndaǵy aq peıildi senimniń dáleli bolyp tabylady, – dep atap ótti Prezıdent. Memleket basshysy Qazaqstan Slovak Respýblıkasyn Shyǵys Eýropadaǵy ma­ńyzdy seriktes re­tinde qarastyratynyn atap ótti. Kólik, mashına jasaý, ener­ge­tıka, aýyl sharýashylyǵy, aq­pa­rattyq tehnologııa, bilim berý men týrızm salalaryndaǵy yn­ty­maqtastyq úlken áleýetke ıe ekenine toqtaldy. Slovak eliniń ónerkásipke ozyq tehnologııany engizý, Qazaqstandaǵy birlesken kásiporyndarǵa qoldanýdaǵy ın­no­vasııalyq damý tájirıbesi qy­zyǵýshylyq týdyrady. Prezıdent Eston Respýb­lı­ka­sy Qazaq­stannyń Baltyq aıma­ǵyn­daǵy mańyzdy saıası jáne eko­nomıkalyq seriktesi bolyp ta­bylatynyn atap kórsetti. Mem­leket bas­shy­sy bıylǵy jyl­dyń sáýirinde qaıta saılanǵannan keıingi óziniń alǵashqy sheteldik saparyn Estonııaǵa jasady. Qa­zaq­stan men Estonııa arasynda jo­ǵary deń­geıde senimdi únqa­ty­sý ornyqqan, ózara is-qımyldyń negizgi basymdyqtary aıqyn­dal­ǵan, kelisimdik-quqyqtyq baza quryl­ǵan, Úkimetaralyq komıssııa jáne ózge de mehanızmder jumys isteıdi. – Osy sátti paıdalanyp, es­ton halqyn memleket táýel­siz­diginiń 20 jyldyǵymen, al Prezıdent Toomas Ilvesti ekinshi merzimge qaıta saılanýymen quttyqtaımyn! – dedi Nursultan Nazarbaev. Memleket basshysy Tótenshe jáne óki­letti elshilerdi Astanada jaýapty dıplo­ma­tııalyq qyzmet­teri­niń bastalýymen quttyq­tap, olardyń mıssııasy tabysty da ónimdi bolatynyna, bizdiń memleketterimiz arasyn­daǵy qarym-qatynastardyń jan-jaqty da­mýy­na qyzmet etetinine senim bildirdi. О́z kezeginde, jańadan taǵaı­yndalǵan elshiler Prezıdent Nur­sultan Nazarbaevqa yqylas­ty sózi úshin alǵys bildirip, óz el­deriniń Qazaqstanmen ynty­maq­tastyǵyn odan ári damytý úshin bar kúsh-jigerlerin jum­saı­tyndyqtaryn aıtty.