Bilim alý quqyǵy qozǵaldy

Búgingi dáýirde júzden júırik, myń­nan tulpar shy­ǵýdyń joly bilim men bilikte qaldy. Sonaý ǵasyrlarda «Men – bilim dese, tańdaıy kepken saıahatshy sekildimin» depti Ál-Horezmı. Shy­nyn­da, elimizdegi bilim alý deń­geıi qazir joǵary deýge bo­lady. Búginde Qazaq elin­de 6-dan 24 jasqa deıingi aza­mat­tar­dyń 75,3 paıyzy bilim berý baǵ­darlamalarymen qamtylǵan, saýatty tur­ǵyn­dar 99,6 paıyzdy quraıdy. 4,3 mıllıon adam bilim alý ústinde. Bilim jáne ǵylym salasynda 411 myń pedagog pen ǵalymdar jumys isteıdi desek, ol osy salada 30 paı­yzdy qamtıdy. Osyndaı jetistikterimizben tanysý úshin arnaıy kelgen Birikken Ulttar Uıy­my­nyń bilim alý quqyǵy jó­nin­degi arnaýly baıanda­ma­shy­sy Kıshor Sıngh pen Bilim jáne ǵylym mınıstri Ba­qyt­jan Jumaǵulovtyń kez­desýi bol­dy. О́z kezeginde otandyq mınıstr elimizdegi bilim berý salasy, ǵylymı uıymdar, el damýy, el astanasy týraly qonaqty jan-jaqty habardar etti. Sapardyń maqsa­ty­na keler bolsaq, halyq­ara­lyq mindettemelerge sáıkes Qazaqstandaǵy bilim alý qu­qy­ǵyn qamtamasyz etýdiń jaı-kúıin baǵalaý kórinedi. Sapar qorytyndysy boıyn­sha BUU Adam quqyqtary jónindegi esep berilmekshi. K.Sıngh Astana, Almaty qalalary­nyń bilim berý uı­ymdarymen tanysyp shyq­paq. Bizdiń elimiz negizgi ha­lyq­­aralyq quqyq qorǵaý shart­tarynyń qa­tysýshysy bolyp tabylady. Son­dyq­tan da memleket jan-jaqty bilim berý maqsatynda qolda bar resýrs­tar aıa­syn­da ákim­shilik, sot­tyq, zańdylyq is-sha­ra­lardy júzege asyrýǵa mindettenip otyr. Otany­myz­dyń bilim berýdi da­my­týdyń 2011-2020 jyldarǵa arnalǵan memlekettik baǵ­dar­lamasynda aqyly bilim berý júıesiniń memlekettik jı­naq­taýshy quryly­my ar­qy­ly halyq­tyń qol jetimdiligin qamtamasyz etý qa­ras­tyrylǵan. Sonyń oraı­yn­da Qa­zaq­stannyń árbir azama­ty­na bolashaqta óz balasyn jo­ǵary oqý oryndarynda, kol­ledjderde oqytýǵa qara­jat jınaq­taý múmkindigi jan-jaqty oılas­ty­ryl­ǵan. Táýelsizdik alǵan jyl­dar­dan beri bilim alý sala­sy­na, ásirese balalardyń qu­qyǵyn qorǵaý máselesine Elbasy tikeleı mán berip otyr­ǵany málim. Qar­jy bó­lý jaǵy da jyl saıyn eselep artýda. Osyndaı oń qadam­darmen tanys­qan K.Sıngh elimizdegi atalmysh salaǵa oń baǵa berdi. Sapar sheńberinde ol «Nazarbaev ýnıversıtetinde», L.N.Gý­mılev atyndaǵy bilim or­dasynda bolady. Súleımen MÁMET.