Tegeýrindi tehnıkanyń tıimdiligi

Osy aptanyń ishinde JShS Qazaq aýyl sharýashylyǵyn me­ha­nıkalandyrý jáne elektrlendirý ǵylymı-zertteý ınstıtýtynda «Belarýs-EKSPO-2011» sheń­be­rinde kórme bolyp ótti. Oǵan Belarýs Respýblıkasy Premer-mınıstriniń orynbasary Valerıı Ivanov bastaǵan delegasııa qatynasty. Qazaqstan tarapynan Tótenshe jaǵdaılar mınıstri Vla­dımır Bojko jáne atalǵan ıns­tıtýttyń bas dırektory Seıit­qazy Keshýov basshylyq jasaı­tyn ǵalymdar toby boldy. Mun­da agroónerkásip keshenin damytý barysy  áńgime  arqaýyna aı­naldy. Qonaqtar birlesken qazaq-belorýs tehnıkalarynyń jáne «Mınsk traktor zaýyty» saýda úıiniń kórmelerimen tanysty. Al ekijaqty basqosý barysynda ıns­tıtýttyń mehanıkalyq zaýy­ty shyǵarǵan mal azyǵyn daıyn­daıtyn jáne jer jyrtatyn ári topyraq óńdeıtin tehnıkalardyń jaıy týraly áńgime qozǵaldy. Belorýssııa Premer-mı­nıs­tri­niń orynbasary Valerıı Ivanov Qazaqstanmen yntymaqtas­tyq­­ta­ryna aıryqsha rızashy­ly­ǵyn bildirdi. Ol Qazaqstannyń ońtús­tik aımaqtaryndaǵy jer­ler­diń aýylsharýashylyq ónim­de­rin ón­di­rýge óte qolaıly ekenine, ósim­dik­ter men mal sharýa­shy­ly­ǵyn damytýǵa da múmkindigi mol ekendigine toqtaldy, sonymen qa­tar Qazaqstanda agroónerkásip ke­she­ni­niń keleshegi zor ekenine de jar­qyn mysaldar keltirdi. Osy baǵyttar boıynsha saýda-eko­no­mıkalyq birlestikti budan bylaı da nyǵaıtyp, ınstıtýt ujy­myn ózderinde ótetin «Agro-2012» kórmelerine qatysýǵa shaqyrdy. Al «Qazaq aýyl sharýashy­ly­ǵyn mehanıkalandyrý jáne elek­trlendirý ǵylymı-zertteý ıns­tıtýty» JShS bas dırektory Seıitqazy Keshýov tájirıbeden ótken mehanıkalyq zaýyttyń qos­alqy bólshekterdi jáne aýyl­sha­rýashylyq mashınalarynyń to­lyq keshenin shyǵarýǵa múm­kin­digi bar ekenin tilge tıek etti. Be­lorýsterdiń shyǵaryp jatqan ma­shı­nalary men traktorlaryna Qa­zaq­stan ǵalymdary qatty kóńil bólip otyr. Sondyqtan da, olarmen birlese jumys júrgizýdi óz­deriniń basty mindetteri sanaıdy. Úkimetaralyq komıssııaǵa tór­aǵalyq etken Vladımır Bojko jańa tehnıkalar shyǵarýda ádis-tásilder men jańalyqtar engizý osy ǵylymı-zertteý ınstı­týtyna júktelgenin qonaqtardyń esine saldy. Ol ekijaqty qa­rym-qatynastyń ońdy nátıjeler beretinine eshqandaı da kúmán keltirmeıtinin bildirdi. Qanat TÁKEBAEV, jýrnalıst. Almaty.