Monıtorıng qorytyndysyn jarııalady

Astanada Qazaqstannyń Aza­mattyq alıansy Halyqqa qyzmet kórsetý ortalyq­tary­nyń (HQKO) jumys tártibine júrgizgen monıtorıng qory­tyn­dysyn jarııa­la­dy.  Monıtorıngti ótkizýdegi bas­ty maqsat – HQKO-nyń qyzmet kórsetý sapasyn jáne kórse­tilgen qyzmet túrlerine tu­tynýshylardyń qanaǵat­tanar­lyq deńgeıin anyqtaý bolatyn. Monıtorıng qorytyndysy «mystery shopping» ádisi bo­ıyn­sha HQKO-nyń qyzmetker­leri men orta­lyqqa kelýshiler arasynda saýalnama júrgizý, sonymen qatar baqylaýshy­lardyń baǵalaýy ná­tı­jesinde shyǵarylǵan. Endi negizgi nátıjelerge toq­talar bolsaq, monıtorıngke qa­tysýshylardyń denin HQKO ju­my­sy qanaǵattandyrady eken. Ásirese, HQKO-nyń ın­fraqu­rylym sapasy men qyz­met­ker­lerdiń qyzmet kórsetý mádenıeti ortadan joǵary deńgeıde turaqty baǵalanǵan. HQKO-ǵa kelýshi­lerdiń 76 paıyzy ortalyq ju­mysyna kóńilderi tolatynyn aı­tady. Al bul kórsetkish ótken jyly 65 paıyzdy quraǵan-dy. Desek te, jekelegen krıterııler boıynsha elimiz aımaqtarynyń ortalyq bólimsheleri jáne fı­lıaldaryndaǵy kórsetkish­ter­de birqatar alshaqtyqtar bar kóri­nedi. Monıtorıng nátıje­sinde alynǵan barlyq aqpa­ratty saraptaı kele, Taraz, Qostanaı jáne  Kókshetaýdyń HQKO-lary joǵa­ry baǵaǵa ıe bolsa, Aqtóbe, Aq­taý, Oral jáne Shymkenttegi halyqqa qyzmet kórsetý ortalyq­tarynyń jumysy tómen ba­ǵalanǵan. Monıtorıng júrgizý úshin tańdalǵan ortalyqtardyń qa­ta­­ryna jańa pılottyq HQKO (Astana qalasy, Mırzoıan kó­shesi, 35-úı) ilikken-di. Statıs­tıkalyq kórsetkishter kelý­shilerdiń basqa HQKO-men salystyrǵanda, bar­lyq krıterııler boıynsha atal­ǵan orta­lyqtyń jumysyn joǵa­ry baǵalap otyr desek, osy rette qujat qabyldaıtyn terezeler­diń sany, azamattardyń kezek kútý ýaqyty, qyzmetkerlerdiń biliktiligi men HQKO ınfra­qury­lymdary jáne ózge de krıterııler baǵalanǵan. Jal­py alǵanda, qorytyndy negizinde HQKO ın­fraqurylymy jaqsy degen deń­geıde aıtylýda. Ortalyq jumysyn baǵa­laýda tómen baǵa alǵan krı­terıılerdiń biri – qujat tapsyrý men qabyldaý opera­sııalary kezinde azamattardyń kezekti uzaq kútýi deýge bo­lady. Ásirese, Ishki ister mınıstrliginiń Kóshi-qon polı­sııasy kórsetetin qyzmetterdi alýshylar kezekti tıisti ýaqy­tynan uzaq kútedi eken. Bul jerde qyzmet kórsetý ýaqyt­tarynyń sozylyp ketýi birneshe faktor­larǵa baılanysty ekenin aıtqan abzal. Sonyń biri, qujattandyrý fýnksııa­synyń Ádilet mınıstrliginen Ishki ister mınıstrligine berý kezindegi uıymdas­tyrý­shylyq is-sharalaryna qatysty bolyp otyr. Mundaı parametrdiń negizgi quraýshysy «qyzmetti kútý ýaqyty» bolsa, jalpy qyzmet kórsetý ýaqyty qana­ǵat­tanarlyq dep baǵalanǵan. Tutynýshylar uzaq kútetin qyzmet túrleri qataryna «jerdi paıdalanýǵa beriletin memlekettik akt», «jeke kýálik pen pasport berý», «aza­mat­tardy tirkeý» qyzmetterin jatqyzýǵa bolady. Monıtorıng qorytyndysy boıynsha sarapshylar HQKO júktemesi birdeı emes degen toqtamǵa kelgen. Resýrstardyń jetispeýshiligi – sapa standart­taryn saqtamaýdyń birden-bir sebebi deıdi olar. Sarapshylar HQKO-ǵa júktelgen jumysty azaıtý úshin halyq arasynda úlken suranysqa ıe qyzmet­terdi elektrondyq formatqa aýystyrý­dy usynyp otyr. HQKO monıtorıngi Eýropalyq odaq delega­sııasynyń qarjy­lyq qoldaýymen Qazaqstannyń Azamattyq alıan­synyń «Qo­ǵam­dyq monıtorıng» jobasy aıasynda Baılanys jáne aq­parat mınıstrligimen birlesip iske asyrylýda. Ábdirahman QYDYRBEK.