Qazirgi tańda respýblıkada 13 myń qolaısyz otbasynda 20 myń bala ósip jatsa, munaıly oblysta 720 bala osylaı «baǵalanǵan» 376 shańyraqta tárbıe alýda. Atyraý oblystyq kámeletke tolmaǵandardy beıimdeý ortalyǵyna jyl basynan beri 228 jasóspirim qabyldanyp, onyń 178-i otbasyna qaıtarylǵan. 2011 jyldan bastap jetim balalardy asyrap-baqqany úshin 22 myńnan astam qamqorshyǵa aı saıyn on aılyq eseptik kórsetkish kóleminde járdemaqy tólenetin bolsa, Atyraý oblysynan otbasyly bolyp, shańyraq jylýyna ıe bolǵan 751 balany asyrap-baǵýǵa 103 mln.teńgedeı bólingen. Taǵy bir aýyz toltyryp aıtar jaı: «Qýan, sábı», «Ár balaǵa – otbasynyń baqyty» syndy sharalardyń nátıjesinde arnaıy uıymdardaǵy 23 tárbıelenýshi jazǵy kanıkýldy týǵan-týystarynyń úıinde ótkizdi. 11 otbasy osy sanattaǵy balalardy alýǵa nıet bildirip otyr.
Atyraýǵa kelgen saparynda Bilim jáne ǵylym mınıstrligi balalardyń quqyn qorǵaý komıteti tóraıymynyń orynbasary B.Álibaeva keltirgen myna bir derek oılandyrmaı qoımaıdy. «Sandj» ortalyǵynyń zertteýinshe, ata-analardyń 20 paıyzǵa jýyǵy balalaryna 4 saǵat, 22 paıyzy bar-joǵy 2 saǵat arnaıdy eken. Demek, balanyń áke-sheshesiniń tárbıe prosesine belsene qatysýyn qamtamasyz etý kezek kúttirmeı qolǵa alatyn istiń biri bolýy tıis.
Q.QÝATOVA.
Atyraý oblysy.