Memleket basshysy Nursultan Nazarbaev Qazaqstan Respýblıkasy Parlamenti Májilisiniń Tóraǵasy Oral Muhamedjanovty qabyldady, dep habarlady Qazaqstan Respýblıkasy Prezıdentiniń baspasóz qyzmeti.
O. Muhamedjanov Prezıdentti Parlamenttiń besinshi sessııasynyń ashylýynda Memleket basshysy bergen tapsyrmalardyń oryndalý barysynan habardar etti. Atap aıtqanda, 2012-2014 jyldarǵa arnalǵan bıýdjet, dinı birlestikter, elektr qýatyn únemdeý jáne tıimdi paıdalaný, ındýstrııalyq-ınnovasııalyq saıasatty memlekettik qoldaý týraly birqatar zań jobalarynyń Májilistegi tanystyrylymy týraly sóz boldy. Tıisti komıtetter, jumys toby bul zańdardyń jobalaryn qaraýǵa kiristi.
Sonymen qatar, O.Muhamedjanov Memleket basshysyn Qazaqstan Respýblıkasy Táýelsizdiginiń 20 jyldyǵyn merekeleýdiń Josparyna sáıkes osy jyly Parlamentte ótetin halyqaralyq sharalar týraly habardar etti.
* * *
Keshe Memleket basshysy Nursultan Nazarbaev «Syrbar» syrtqy barlaý qyzmetiniń dırektory Amanjol Janqulıevti qabyldady, dep habarlady Qazaqstan Respýblıkasy Prezıdentiniń baspasóz qyzmeti.
A.Janqulıev Prezıdentke vedomstvonyń aǵymdaǵy qyzmeti týraly baıandady.