Tehnoparkti damytý joldary qaraldy

Almatyda Premer-Mı­nıs­tr­diń orynbasary – Indýstrııa jáne jańa tehnologııalar mınıstri Áset Iseke­shev­tiń tóraǵalyǵymen «Aq­pa­rat­tyq tehnologııalar parki» AEA-ny odan ári damytý má­se­leleri boıyn­sha kóshpeli keńes ótti. Keńes aldynda Á.Isekeshev park aýma­ǵynda óndirisin uıym­das­tyratyn 6 kompanııanyń jo­ba­larymen tanysty. Shyǵarýǵa josparlanǵan ónimniń assortımenti óte mol, olar – jaryq beretin shamdar, lazerli prınterlerge arnalǵan jınaqtaýshylar, uıaly telefondar, kommýtatorlar, te­le­kommýnıkasııalyq jab­dyq, keń­se taýarlaryn satý jónindegi avtomattar. Qazirgi ýaqytta, atal­ǵan kompanııalar tehnologııalyq qajettilikke arnalǵan óndiristik modýldi qaıta jasaqtaý jóninen jumystar júrgizýde. О́ndirister aǵymdaǵy jyldyń sońyna deıin iske qosylmaq. Áset Isekeshev jo­balyq tolyqtyrý jóninde júr­gizilip otyrǵan jumysty oń baǵalady jáne eleýli ınno­va­sııa­lyq áleýeti bar ári ekonomı­ka­nyń tehnologııalyq jańǵyr­ty­lýy­na oń áser etetinderin ǵana park­ke jibere otyryp, joba­lar­dy irikteýge egjeı-tegjeıli kelý kerektigin atap ótti. Keńeste parkti odan ári da­mytý jó­nin­degi Memleket bas­shy­sy tapsyr­ma­larynyń oryn­da­lýy, jańa obektilerdi salýǵa daıyndyq, «Arnaıy ekonomı­ka­lyq aımaqtar týraly» zańnyń jańa redaksııasyn qabyldaýmen baı­la­nysty basqarý júıesin óz­ger­tý barysy, sondaı-aq, uıym­das­­ty­rý­shylyq sıpatyndaǵy bas­­qa da máseleler talqylandy. Keńeske qatysýshylar ınjenerlik je­lilerdi jáne parkte qa­lyptas­ty­ry­latyn ınnovasııa­lar­dy jınaqtaý júıe­siniń negizgi elementi bolatyn birqatar obek­tilerdi jobalaý jónindegi jumys barysy týraly habardar etti. Atap aıt­qanda, Qazaq munaı jáne gaz ınstıtýty 7,2 ga aýmaqta or­nalasatyn jáne park aýmaǵynda paıdalanýǵa beriletin al­ǵashqy obekti – ǵylymı-zertteý keshenin qurý josparyn aıaqtady. Qazaq-brıtan tehnıkalyq ýnı­­versı­tetiniń rektory Eskendir Beısembetovtiń aıtýynsha, parkte stýdentterdi oqytý jáne olardyń turýy úshin barlyq qa­jetti ınfraqurylymmen 50 gek­tarǵa deıingi aýmaqta jańa kampýs ornalastyrý josparlanyp otyr. Jańa kampýsty salý men jaraqtandyrýdyń quny 200 mıllıon AQSh dollaryn quraıdy. Sóz sóıleýshiler parkke jańa ınvestorlar men ınnovasııalyq kompanııa­lar­dyń kelýi úshin qo­laıly jaǵdaı jasaýǵa múmkindik beretin ınjenerlik kommýnıkasııalar jelilerin salýdy jedel bastaý qajettiligin atap ótti. «Egemen-aqparat».