Teriskeıdegi til festıvali

Memlekettik til janashyrlaryn marapattap, jaıly páter berýden bastaldy Qyzyljar óńirinde de memlekettik tildi bilýdiń mańyz­dy­lyǵy men qajettiligi barǵan saı­yn artyp keledi. Sonyń naqty ıgi sharalary Qazaqstan halqy tilderiniń HIII oblystyq festıvali aıasynda kórinis tap­ty. Oblystyq tilderdi damytý basqarmasynyń bastyǵy Kemel Ospanov memlekettik tildi qol­daný men damytýdyń óńirlik baǵ­darlamasynyń atqarylýy jaıly baıandap berdi. Qazaqstan halqy oblystyq assambleıasy hatshylyǵynyń meńgerýshisi Ser­geı Borodın ózge ult ókil­deriniń qazaq tilin meńgerýine baılanysty atqarylyp jatqan jumystardy tilge tıek etti. Petropavl qalasyndaǵy №17 ult­tyq órkendeý mektep-kesheniniń cheshen-ıngýsh bóliminiń muǵa­li­mi Marııa Ganıeva óz tájirı­be­simen bólisse, M. Qozybaev at­yn­daǵy SQMÝ stýdenti Anastasııa Safronova qazaq tilinde múl­­tiksiz sóılep, salmaqty oı­larymen jınalǵandardy rıza etti. Men –Táýelsizdiktiń tól qur­dasymyn. Búgingi kúni Til jáne ádebıet ınstıtýtynda oq­yp júrmin. Qazaq tili men áde­bıeti mamandyǵyn júrek qa­laýy­men tańdap aldym. Elbas­y­myz Nursultan Nazarbaevtyń «Elimizdiń erteńi búgingi jas urpaq qolynda. Al jas urpaq­tyń taǵdyry ustazdardyń qo­lyn­da» degen qaǵıdasyn biz sı­ıaqty bolashaq mamandar árdaı­ym jadynda ustaýy tıis, dedi ol. Festıvaldiń ashylý salta­na­tyna arnaıy kelgen kórnekti ǵalym, sákentanýshy Tursynbek Kákish aǵamyz ǵıbratty atalyq tilekterin jetkizdi. Qazaq tilin ana tilindeı kóretin jastarǵa degen rızashylyǵyn bildirip, memlekettik tildi jappaı meń­gerýge shaqyrdy. Aımaq basshysy Serik Bilá­lov elimiz Táýelsizdik alǵaly qazaq tilin damytýǵa, basqa ult ókilderiniń oqyp-úırenýine mem­leket tarapynan jan-jaqty jaǵ­daı jasalyp otyrǵanyn, ult­aralyq kelisim men dostyqty nyǵaıtýdyń, qazaqstandyq patrıotızmdi qalyptastyrýdyń ma­ńyzdy faktoryna aınalǵanyn aıta kelip, Prezıdenttiń «Memlekettik tildi, eń aldymen, bizdiń balalarymyz bilýi qajet» degen sózderin keltirdi. Qazaq tilin oqytýdyń materıaldyq bazasy da jaqsaryp keledi. Mektep jasyna deıingi mekemelerde búl­dirshinder memlekettik tildi úırenedi. Bıylǵy oqý jylynda 6 aralas mektep qazaqshaǵa kó­shirildi. 18 bilim ordasynda qa­zaq tili synyptary ashyldy. Se­rik Sultanǵazyuly memleket­tik til saıasatyn nasıhattaýǵa bel­sene qatysqan bir top til janashyrlaryna Mádenıet m­ı­nıstrliginiń qurmet gramota­la­ry men alǵys hattaryn tapsyr­dy. «Asyl mura» ortalyǵynyń múshesi, jergilikti ólketanýshy Qaırolla Muqanov «Mádenıet qaıratkeri» tósbelgisimen mara­pattaldy. Ǵ.Músirepov atyn­da­ǵy aýdan – «Memlekettik tildi na­sıhattaýda úzdik aýdan», «Aq­jar aýdany – «Memlekettik tildi meńgergen úzdik aýdan» at­an­dy. Tańdaýlylar qatarynan ob­lys­tyq qarjy basqarmasy, qyl­mystyq-atqarý júıesi komıteti oblystyq departamenti, qan quıý ortalyǵy, Lobanov aýyl­dyq okrýgi, «Asyl mura» orta­lyǵy tabyldy. Memlekettik til­diń mártebesin kóterýge zor úles qosqany úshin «ES-164/3 mekemesi jalpy bilim beretin keshki mekteptiń qazaq tili mu­ǵalimi Talasbaı Musabaev pen Petropavl qalalyq bilim bóli­mi­niń memlekettik tildegi qu­jat­tarynyń redaktory Álııa Júkenovaǵa páter sertıfı­kat­ta­ry tabys etildi. – Tilder festıvali aptalyǵy sheńberinde «Til – halyq janyn tanýdyń kilti», «Otbasy – al­tyn dińgek», «Tildaryn-2011», «Mem­­lekettik til – qazaq tili» sekildi saıystar, olımpıadalar, aksııalar uıymdastyrýdy bel­gilep otyrmyz. 27 qyr­kúı­ekte kórnek­ti jazýshy Oralhan Bókeı atyn­daǵy kórkemsóz oqý sheber­le­ri­niń respýblıkalyq baı­qaýy Qy­zyljar óńirinde ótetin bolady, – dedi tilderdi damytý jáne ju­mysty úı­les­ti­rý bóliminiń bas­ty­ǵy Ásem Súleımenova. О́mir ESQALI. Soltústik Qazaqstan oblysy.