Kóńil shýaǵy

Qalamy qarymdy aqyn­jan­­­dy áriptesimiz, basylymnyń Aq­­­­mola oblysyndaǵy tilshisi Baq­­­bergen Amalbekovtiń «Kerimsal» atty jańa jyr jınaǵy ja­ryq kóripti. Ádemi bezendirilgen kitap úsh bólimnen tu­ra­dy. Birinshi bólim – «Júrek só­­­zi», ekinshi bólim – «Kógildir Kók­shetaý», úshinshi bólim – «Máńgi tiri mahabbat» dep atalady. Alǵashqy bólimde qalamger jan-dúnıesin jaryp shyqqan oı­lardy óleń jolyna túsirip órnektegende adamnyń búkil bol­­mysy menmundalap turady. Qazyǵurt týraly «Saǵynyp keldim, baba taý, Janartaý jú­rek jar salyp» dep qasıetti jer­ge shynaıy iltıpatyn bildiredi. Ekinshi bólimde kógildir Kókshetaýdyń ásem tabı­ǵa­tyn, nýly ormanyn, ózen-kólin kelistire sýretteıdi. Qaıyńdar álemi týraly qalam terbegende Tabıǵat-ananyń qudiretine bas ıesiń. Ásirese, japyraǵy jaıqalǵan, dińi aq qa­byq­­tarmen kómkerilgen bıshi qaıyńdardy kó­be­lek­ke teńeıdi. Kerbez sulý Býrabaıdy jyr­­la­ǵanda: «Syrymdy jibek jelmen úndes­tirip» dep oı álemin kórkem­dikpen ushtas­tyryp, jyr shý­maq­­ta­ryn tók­kende kóz al­dy­ńa áde­mi sýretter keledi. «Aınakól» atty óleńinde «Ińkárim bolǵan qashan da, Aınakól arý armysyń!», dep bir shalqyp alyp, «Aq qaı­­­yń­­dar appaq nurdan nár alǵan, Aıdynyńda aqqýlaryń ta­ran­ǵan. Kóńilimdi kóktem etken, Kókshetaý, Aınymaısyń arman tunǵan janardan», dep taý kelbetinen tamasha sýret sa­lady. Shoqannyń ulylyǵyn Kókshetaý tabıǵatymen ush­tas­tyrsa, qazaqtyń erke aqy­ny Erkesh Ibrahımge arnaǵan óleńinde onyń talantyna bas ıip, ózine úlgi etedi. Úshinshi bólimdegi óleń­der­de áriptesimiz ár azamat­tyń ómirge degen mahabbatyn, jarǵa degen adaldyǵyn, urpaqqa degen erekshe iltıpatyn kelistire jyrlaıdy. Buǵan deıin qara sózde tanylǵan avtor endi óleń ór­imderimen de oqyrmandy eleń etkizip otyr. Kerimsal ómir, kerimsal jyr joldaryna tús­­kende kimdi de bolsa selt etkizedi eken. Zaman­da­sy­myz­dyń osy bir qadamyn qup a­lyp, osyndaı ádemi jyr-jınaqtary shyǵa bersin demekpiz. Súleımen MÁMET.