Dostyq kezdesýi ótti

Qazaqstan delegasııasyn elimiz Syrtqy ister mınıstrliginiń jaýapty hatshysy ári EXPO-2017 Halyqaralyq mamandan­dy­ryl­ǵan kórmesin ótkizý quqyǵyna Astana qalasynyń ótinimin jyl­jytý jáne ilgeriletý jobasynyń ulttyq úılestirýshisi R.Joshy­baev basqardy, dep habarlady QR SIM-iniń baspasóz qyzmeti. Basqosýdyń maqsaty úmitker­ler­diń EXPO-2017 kórmesin daı­yndalý barysy jóninde aqparat almasyp, pikir alysý, sondaı-aq qatysýshy elderdiń is-áreketin úılestirý bolyp tabylady. Kezdesý barysynda qazaq­stan­dyq jáne belgııalyq jaq­tar­dyń qatysý pishini, sonymen qatar, Astana men Lej qala­larynyń EXPO kórmesin ót­kizý­ge daıyndyǵy aıtyldy. Ha­lyq­aralyq mamandandyrylǵan kór­me uıymdastyrýǵa úmitkerler HKB Bas assambleıasynyń 150 jáne 151 sessııalaryna qatysý jó­ninen birneshe máseleni tal­qylady. Basqosýǵa Qazaqstan men Bel­gııadan ózge EXPO 2020 kór­mesin ótkizýge úmitker bolǵan Túr­kııa (Izmır) men Taıland (Aıýtaıa) ókilderi de qatysty. Meıman­dar­dy HKB Bas hatshysy Vısente Gonsales Losertales qabyldady. Qazaqstan – Ortalyq Azııa­nyń kóshbasshysy. Elimiz munaı, gaz, ýran syndy energetıkalyq qor­larǵa baı, biraq soǵan qar­amas­tan, biz balamaly energııa kózderin belsendi túrde damytý ústindemiz. «Bolashaq energııasy» – zamanaýı ózekti taqyryp­tar­dyń biri. Qazirgi tańda álemdik qaýymdastyq balamaly energııa túrlerin izdep, ekonomıkanyń qýat tıimdiligin arttyrý ústinde. Astana qalasy osy saladaǵy ja­handyq jańalyqtardy talqy­laý­dyń jáne tájirıbe almasýdyń alańyna aınalmaq.