Pedagogıkalyq praktıka – pedagog kepili

Bıylǵy oqý jylynda Qazaq memlekettik qyzdar pedagogıkalyq ýnı­ver­­sıtetiniń 5741 stýdenti pedagogıkalyq jáne óndiristik tájirıbeden ótpek. Bul bilim ordasy jyl saıyn san myń­daǵan muǵalim atty urpaq tárbıeshileriniń qanatyn qataıtyp ushyrady. Stýdent­ter­diń kıeli mamandyqty ıelenip, naǵyz kásip ıesi bolmaqqa úıretýdiń shartty joly – peda­go­gıkalyq tájirıbe bolsa kerek. Bıylǵy oqý jylynda jalpy sany 5741 stýdent peda­go­gıkalyq jáne óndiristik tájirıbeden ótedi. Jaqynda osy oraıda ýnıversıtette «Qazirgi muǵalimdi daıarlaý júıesinde pedagogıkalyq praktıkanyń ala­tyn orny» atty baǵdar berý konfe­rensııasy bolyp ótti. Konferensııany ýnıversıtet rektory Dınar Nóketaeva sóz sóılep ashty. Ol jalpy ustaz mamandyǵynyń qadir-qasıetin tilge tıek ete otyryp: «Memleket basshysy óziniń jyl saıynǵy halyqqa Joldaýynda jastar máselesi men olardyń bilim alýyna den qoıyp otyrady. Onda Elbasy: «Sapaly bilim men ǵylym bolǵan kezde ǵana Qazaq­stan­nyń keleshegi jarqyn. Eń aldymen jas­tar­dyń bilimge jáne ǵylymǵa parasattylyq kózqarasyn ózgertetin ýaqyt jetti. Bizge halyqaralyq deńgeıde básekelesýge qabi­let­ti jan-jaqty mamandar qajet», dep kórset­ken-di. Osy talapqa saı stýdentter álemdik deńgeıde, alańsyz bilim alýy úshin jaǵdaı jasalyp jatyr. Búgingi tańda sizder men bizder óskeleń urpaqqa sapaly bilim, sanaly tárbıe berý jolynda eńbek etýimiz kerek. Al stýdentter osy jaýapkershilikti memlekettik praktıkada bala tárbıesiniń qyr-syryn, sóı­leý jáne qarym-qatynas jasaý mádenıe­tin úırenip shyǵýy tıis», – deı otyryp, bolashaq maman ıelerine sáttilik tiledi. Is-shara barysynda pedagog mamanyna jan-jaqty tájirıbe berý maqsatynda dárister oqylyp, psıhologııalyq trenıngter, panoramalyq sabaqtar men psıhoportret kórsetildi. Gúlzeınep SÁDIRQYZY. Almaty.