«Samuryq-Qazyna» qory munaı ónimderi rynogyn turaqtandyrýǵa kómektesedi

«Samuryq-Qazyna» ulttyq ál-aýqat qory» AQ basshy­ly­ǵy­nyń jedel aralasýy Almaty óńirindegi kólik tyǵyryǵynyń aldyn alýǵa múmkindik berdi. Sońǵy kezde Almaty qalasy men Almaty oblysyn janar-jaǵar maımen qamtamasyz etýde kúrdeli jaǵ­daıdyń qalyptasa bastaǵany belgili. Ásirese, barynsha qajetti AI-92 mar­kaly benzın men dızel otyny­nyń jetispeýshiligi qatty sezildi. Osyǵan baılanysty qor jedel tártippen JJM jetkizý baǵyt­ta­ry­na túzetý engizdi jáne munaı óńdeý zaýyttarynan aqshyl munaı ónim­de­ri­niń qosymsha kólemderin qar­qyn­dy jóneltýdi uıymdastyrdy. Aty­raý munaı óńdeý zaýytynan jóneltý táýligine 157-den 734 tonnaǵa deıin, Pavlodar munaı-hımııa zaýytynan – 1066-dan 2285 deıin, Petro­Qazaq­stan Oıl Prodaktstan – táýligine 985-ten 1675 tonnaǵa deıin ul­ǵaı­tyldy. «Samuryq-Qazyna» UÁQ basshy­lyǵy tarapynan úılestirýdiń arqa­synda munaı ónimderi úshin bos jyl­jymaly quramdy kidirissiz berý qamtamasyz etildi. Qazirgi kezde AI-92 markaly benzın «QazMunaıGaz» jáne «Sınooıl» kompanııalarynyń maı quıý stansalarynda shekteýsiz satyla­dy. Aqshyl munaı ónimderiniń qo­symsha kólemi «Gelıos» JQS-qa da AI-92 markaly benzındi shekteýsiz satýǵa múmkindik berdi. «Roıal Petrol» jekelegen JQS da satýǵa kiristi. Dızel otynyn Almaty qalasy men Almaty oblysyna jóneltýdi ulǵaıtý jalǵasýda. «QazMunaıGaz О́nimderi» AQ Almaty fılıaly Almaty qalasy men Almaty obly­synyń ákimdikterimen, sondaı-aq qoǵamdyq kólik kásiporyndarymen dızel otynymen qamtamasyz etý boıynsha jumys júrgizýde, – dep habarlady Samuryq-Qazyna» ult­tyq ál-aýqat qory» AQ-tyń bas­pasóz qyzmeti.