Erdoǵan sózi erekshe áser etti

Túrkııa premer-mınıstri Redjep Taıyp Erdoǵan Arab memleketteriniń lıgasy májilisinde erekshe sha­byt­pen sóz sóılep, jınalǵandar dúrkin-dúrkin qol shapalaqtap otyr­ǵan. Ol sóziniń negizgi bóligin Taıaý Shyǵys problemalaryna, onyń ishinde Palestınanyń táýelsizdigine arnaǵan. Erdoǵannyń pikirinshe, Palestına memleketin 1967 jylǵy shekara shebinde halyqaralyq taný – ol múmkindik emes, qajettilik. Osyǵan baılanysty Túrkııa premer-mınıstri álem­niń barlyq elderin BUU Bas Assambleıasynyń máji­lisinde Palestınanyń óz táýelsizdigin taný týraly tapsy­rysyn qoldaýǵa shaqyrdy. Sonymen qatar, ol Izraıl tarapyn aıaýsyz syn tezine aldy. LAŃKESTIKTEN 17 ADAM OPAT BOLDY Keshe Iraktyń ortalyǵy men ba­tysynda kem degende 17 adamnyń ómirin qıǵan lańkestikter jasaldy. Qaza tap­qandardyń arasynda 5 polısııa qyzmet­keri men 2 soldat bar. Sondaı-aq, Medatııa men Habbanııa qalalaryndaǵy jary­lystardan, áıel­der men balalardy qosa alǵanda, 50 adam túrli deńgeıde jaraqat alǵan. Alǵashqysynda qaladaǵy kópshilik jıi baratyn meıramhana janyna qoıylǵan máshıne jarylsa, ekinshisinde jergilikti áskerı bazaǵa baǵyt alǵan soldattar mingen júk máshınesine japsyrylǵan «jabysqaq-bomba» iske qosylǵan. Osymen bir mezgilde qarýly jasaq Baǵdadtyń Kahıra aýdanyndaǵy polısııa bólimshesine shabýyl jasaǵan. Eki quqyq qorǵaý organynyń qyzmetkeri atyp óltirilse, bireýi jaraqattanypty. ÁSKERI UShAQTAR TAÝǴA SOǴYLDY Taıvannyń ulttyq qorǵanys mınıstrligine qarasty eki joıǵysh ushaǵy jattyǵý ushýlary kezinde taýǵa so­ǵylyp, apatqa ushyrady. Ushaqtar bortyndaǵy ushqysh­tardyń úsheýi de qaza tapqan. Ushaqtardyń biri eki oryn­dyq F-5F bolsa, ekinshisi RF-5E markaly barlaýshy-ushaq eken. Taıvan qorǵanys mınıstrliginiń ókili polkovnık Devıd Lonyń aıtýynsha, atalǵan amerıkalyq ushaqtar el áskerı-áýe kúshteriniń sapynda 1970 jyldardyń ortasynan beri turǵan kónergen ushaqtar kórinedi. Qazirgi kezde Taıvan áskerı-áýe kúshteri qatarynda 60  Ǵ-5, jergilikti 126 joıǵysh ushaq,146 Ǵ-16 jáne 56 fransııalyq joıǵysh ushaq bar eken. ÁÝE APPARATYN JOIYPTY Tanylmaǵan Taýly Qarabaq respýb­lıkasynyń áskerı qyzmetkerleri Ázer­baı­jannyń ushqyshsyz ushatyn bar­laýshy-ushaǵyn joıyp jibergenin jarııa etti. Ushaqtyń qandaı jaǵdaıda atyp túsirilgeni ázirshe belgisiz. Sondaı-aq áýe apparatynyń modeli týraly da eshteńe aıtylmaıdy. Al Ázerbaıjan bıligi tarapynan atalǵan aqparatty ne qýattaǵan, ne teriske shyǵarǵan málimdeme de túse qoıǵan joq. Munyń aldynda Ázerbaıjannyń Izraılde shyǵarylǵan barlaýshy-ushaǵy Qarabaq shekarasy perımetri boıynsha oqtyn-oqtyn ushyp turady dep habarlanǵan bolatyn. Bul málimdemeniń de ótirik-shyny beımálim. EŃ BAI ELDE 46 MILLION KEDEI BAR 2010 jyldyń qorytyndylary boıynsha, kedeılik sheginde ómir súrip jatqan amerıkalyqtardyń sany 46 mıllıon adamnan asyp ketken. Bul týraly AQSh statıstıka bıýrosynyń resmı esebinde kóldeneń tartylady. Bir jyl ishinde eldegi sińiri shyqqan kedeıler sany 2,8 mıllıon adamǵa kóbeıgen. Bul – Qurama Shtattarda, tutastaı alǵanda, turǵyndardyń 15,1 paıyzy sińiri shyqqan kedeı degen sóz. Statıstıka bıýrosynyń málimdeýinshe, eldegi kedeıler sany AQSh-tyń resessııa jaǵdaıynan shyqqanyna qaramastan ulǵaıa túsip otyr jáne bul úderis sońǵy 4 jyl boıy anyq baıqalýda. Onyń ústine kedeılik deńgeıi baqylaý júrgizilip kele jatqan sońǵy 52 jyl ishinde eń tómengi satyǵa quldyraǵan. «OLIMPIIаLYQ» SAÝDA ORTALYǴY AShYLDY Aldaǵy jyly Anglııanyń astanasy – London qalasynda kezekti Jazǵy Olımpııa oıyndary ótetini belgili. Osy aıtýly oqıǵadan 1 jylǵa jýyq ýaqyt buryn Londonda jarystar ótkiziletin bolashaq Olımpııa baǵyna ózindik bir kireberis bolatyn saýda-oıyn-saýyq orta­lyǵy (SOO) ashyldy. SOO-nyń jalpy alańy 177 myń sharshy metrdi quraıdy. Keshende 300-den astam dúken, 70 meıramhana, 14 zaly bar kınoteatr, 3 otel, Ulybrıtanııadaǵy eń iri kazıno men 5 myń máshınege arnalǵan avtoturaq ornalasqan. Jobaǵa salynǵan ınvestısııanyń jalpy kólemi shamamen 2,3 mıllıard dollardy quraǵan. Osylaısha SOO Eýropadaǵy qala sheginde ornalasqan eń iri nysan bolyp tarıhqa jazyldy.

Qysqa qaıyryp aıtqanda:

Argentınanyń astanasy Býenos-Aıres qalasynda eki poıyzdyń jáne jolaýshylar avtobýsynyń qaqtyǵysýynan apat boldy. Oqıǵa saldarynan 7 adam kóz jumsa, 160-y túrli deńgeıde dene jara­qattaryn alǵan. 20 adamnyń jaǵdaıy óte aýyr kórinedi. Amerıkanyń eks-prezıdenti Djımmı Karter Palestına avtonomııasynyń BUU-dan óziniń táýelsizdigin tanýdy talap etpekshi bolyp otyrǵan nıetin maquldaıtynyn málimdedi. Al AQSh memlekettik hatshysy Hılları Klınton bolsa, Palestına jaǵyn táýelsizdigin tanytýǵa talpynysynan bas tartýǵa shaqyryp otyr. Qytaıdyń Henan provınsııasyndaǵy Gýnı qalasynda baltamen «qarýlanǵan» jergilikti turǵyn balalar baqshasynyń tár­bıe­lenýshilerine dúrse qoıa bergen. Qylmyskerdiń essiz shabýy­ly­nan 4 adam qaza taýyp, ekeýi jaralanǵan. Kóz jumǵandardyń úsheýi – ata-analar, bireýi –  sábı. Belorýssııanyń ulttyq banki kesheden bastap ulttyq valıýtany «erkin júzýge» jibergen bolatyn. Artynsha belarýs rýbli valıýta saýda-sattyǵynyń qosymsha sessııasynda «etpetteı jyǵyldy», ıaǵnı qatty qunsyzdanyp shyǵa keldi. Sóıtip, qazir 1 AQSh dollarynyń quny 8,6 myń jergilikti rýbldi qurap otyr. Internet materıaldary negizinde ázirlendi.