Qurannyń ónerdegi kórinisteri

Qazaqstan Respýblıkasy Táýelsizdiginiń 20 jyldyǵy qarsańynda, Qazaqstannyń Is­lam yntymaqtastyǵy uıymyna tór­aǵa­lyq etýine oraı, sondaı-aq qasıetti Quran ilimin keńirek taratý maqsatynda Iran Islam Res­pýblıkasy elshiliginiń jáne elor­da­daǵy Ult­tyq akademııalyq kitaphananyń uı­ym­das­tyrýymen «Qasıetti Qurannyń Iran ónerindegi kórinisi» atty kórmeniń ashylý saltanaty boldy. Kórmede Irannyń Rahım Charhı (tazhıb – Quran súreleri men aıattaryn órnek­ter­men jıekteý, altyn jalatý tehnıkasy), Parvız Nazarı (metaldan órnek oıý) jáne Hasan Mollavı (kallıgrafııa) sekildi ta­ny­mal she­berleriniń Islam, Quran taqy­ryp­ta­ryn­da­ǵy 75-ten astam týyndylary kórermen naza­ryna usynylyp, ónerdiń osy salasymen keńirek tanysamyn deýshilerge sheberlik synyptar ótkizildi. Kórmege qoıylǵan eksponattar ara­syn­da erekshe órnek-jazýymen oryndalǵan qa­sıet­ti Qurannyń sırek basylymdary, shet tilderdegi aýdarmalary, Iranda shyǵaryl­ǵan Qu­ran tý­raly aýdıo-vıdeo dıskilermen qa­tar, kóp­shi­likti qyzyqtyrǵan «sóıleıtin Quran da» bar. Berik SADYR. Sýretterdi túsirgen Aǵybaı AIаPBERGENOV.