Ilkimdilik tanytsa úlken kúsh

Úkimettik emes uıymdar qoǵam­da­ǵy áleýmettik-ekonomıkalyq damýǵa ser­pin beretin úlken úılestirýshi kúsh retinde tanylyp otyr. Olardyń aza­mat­tyq qoǵam qurýdaǵy alatyn orny men róli qandaı? Elimizdegi birlik pen tatýlyqty, turaqtylyq pen beıbitshilikti qalyptastyrýda úki­met­tik emes uıymdar qanshalyqty tıimdi paıda­la­nylyp júr? ÚEU-lar­dyń memlekettik tapsyryspen jumys isteýi qaı deń­geıde? Olardy qar­jy­lan­dyrý jaıy kó­ńil kónshite me? Úki­mettik emes uı­ymdar tolyq qaı­ta­rymmen jumys isteýi úshin ne qajet? Memlekettik or­gan­dardyń, úkimettik uıymdardyń já­ne bıznestiń ózara baılanysy ýaqyt ta­labyna saı ma? Mine, oblystyń úki­mettik emes uı­ym­darynyń «Táýel­siz­dik pen árip­testikke-20 jyl» atty V konfe­ren­sııa­synda ÚEU-ǵa qatysty osy jáne basqa máseleler kún tár­ti­bine shy­ǵa­rylyp, keńinen talqylandy. Konferensııada oblys ákimi Arhımed Muhambetov sóz alyp, elimiz Táýelsizdiginiń 20 jyldyǵy qarsa­ńyn­da atqarylyp jatqan aýqymdy qoǵamdyq saıası, áleýmettik-mádenı sharalarǵa toqtaldy. – Táýelsizdik-memleketimizdiń atrı­­bý­ty, ultymyzdyń armany men maq­saty. Elimizdiń egemendigin baıandy etý bizdiń zamandastarymyzǵa júk­tel­gen qasıetti mindet. Osy oraıda biz azamattyq qoǵam ınstıtýttaryn damytýǵa jańasha sıpat berýimiz kerek. Bıznestiń, úkimettik emes uıym­dar men bılik ókilderiniń óńirdiń ál­eýmetik-ekonomıkalyq damýyna birdeı atsalysýyna jetýimiz qajet. El­basy Nursultan Nazarbaev «Bo­la­shaq­tyń irgesin birge qalaımyz» atty bıylǵy Qazaqstan halqyna Jol­daý­ynda naq osyndaı tapsyrma berdi. Al ol múltiksiz oryndalýy tıis, – deı kelip ákim oblystyń ústimizdegi jyldyń jeti aıyndaǵy ekonomı­ka­lyq kórsetkishterine sholý jasady. Ol sondaı-aq, úkimettik emes uı­ymdar basshylarynyń ár túrli ko­mısııalardyń músheleri ekenin eske sala kelip, olardy ulttyq saıasatty júzege asyrýda, áleýmettik máse­le­ler­di sheshýde jáne qylmyspen kú­res­te belsendi jumys isteýge sha­qyr­dy. Ásirese, jastardy otansúı­gish­tik­ke, patrıotızmge tárbıeleýde, óń­ir­degi jaǵdaıdy turaqsyzdandyrýǵa qarsy kúreste birlese is-áreket etý­diń qaıtarymdylyǵyn qadap aıtty. Oblystyq ishki saıasat basqar­ma­sy­nyń bastyǵy Ahat Myrzalın negizinen úkimettik emes uıymdardyń ju­mysyna, olardyń memlekettik organdarmen ózara baılanysy proble­ma­la­ry men perspektıvalaryna toqtaldy. Qazir oblysta belsendi jumys isteıtin 100-ge jýyq úkimettik emes uıym bar eken. Olardyń ishinde balalardy, jastardy jáne áıelderdi qoldaý, adam quqyqtaryn qorǵaý, bilim berý, densaýlyq saqtaý, rýhanı-mádenı mu­rany qoǵaý, salamatty ómir saltyn nasıhattaýdy jetildirý baǵytynda jumys isteıtin úkimettik emes uıym­dardyń ózindik qoltańbasy qalyp­ta­syp, jaqsy damyǵan. Jaryssózge shyqqandar úkimettik emes uıymdardyń táýelsiz memleke­ti­mizdiń tuǵyryn bekitýdegi róli, olar­dy qarjylandyrýǵa baılanysty oı­la­ryn da ortaǵa saldy. Mádenıet mı­nıstrliginiń qoǵamdyq-saıası jumys­tar departamentiniń dırektory Baný Nurǵazıeva qatysyp, sóz sóıledi. Ol úkimettik emes uıymdar aldyna qo­ıy­­latyn mindetter men ózekti má­se­le­lerdi taratyp aıtty.О́ńirdegi qoǵam­dyq kelisimdi nyǵaıtýǵa, ózekti áleý­mettik máselelerdi sheshýge jáne ós­keleń urpaqqa otansúıgishtiktiń úlgisi bolatyn erlik pen meıirimdilik bildirgen birqatar úkimettik emes uı­ym­dar basshylary men azamattar oblys ákiminiń syıaqysymen jáne Qazaq­stan­nyń Azamattyq alıansy bekitken «Birligimiz jarasqan» medalimen ma­rapattaldy. Konferensııada Astana qalasynda ótetin V Azamattyq fo­rýmǵa delegattar saılandy. Satybaldy SÁÝIRBAI. Aqtóbe oblysy.