Oblys jaqsy damyp keledi

Elbasy Aqjaıyqtaǵy eki kúndik saparynyń qorytyndysy boıynsha osyndaı túıin jasady Aqjaıyqqa jumys saparynyń ekinshi kúni Respýblıka Prezıdenti Nursultan Nazarbaev Oral qalasynda tasqyn sý zar­da­byna ushyraǵan turǵyndar úshin boı kótergen turǵyn úı keshenderimen tanysty. Mundaǵy bes jáne toǵyz qabatty tur­ǵyn úıler arnaıy sáýlettik jobalarǵa sáıkes turǵyzylǵan. Biz keshe «Aqjaıyq adym­da­ry» atty Elbasynyń óńirge sa­pary jóninde jazǵan esebimizde oblys ortalyǵyndaǵy 500 otba­syna arnalyp turǵyzylǵan ári qazir qurylysy aıaqtalyp qalǵan kóp qabatty turǵyn úı keshenderi bólek bir áńgimeniń sybaǵasy bolmaq degen edik. Sol aıtylǵan bólek áńgimeni tarqatyp aıtýdyń reti búgin kelip otyr. Atalmysh turǵyn úı kesheni Oral qalasyndaǵy tutas bir jańa shaǵyn aýdandy quraıdy. Ol qazirdiń ózinde «Besinshi shaǵyn aýdan» degen ataýǵa ıe. Munda 240 páterli toǵyz qabatty al­ǵash­qy kóp páterli úıdiń qu­ry­lysyn merdigerler arasynda birinshi bolyp «Altaır» qurylys kompanııasynyń ujymy aıaqtady. Jańa nysandy memlekettik komıssııa qyrkúıektiń toǵyzy kúni qabyldap aldy. Bul nysannyń alǵashqy qazyǵy bıylǵy kóktem­de 26 sáýir kúni qalanǵan. Memlekettik komıssııa qurylys sapa­sy­na óte jaqsy degen baǵa berip otyr. Buǵan qosa úı janynda abat­tandyrý men kórkeıtip, kó­gal­dandyrý jumystary qosa júr­gizilgen. Úı aýlasyna kóshet­ter men gúlder egilip, ol qazirdiń ózinde kózdiń jaýyn alǵandaı bolyp qulpyryp tur. Qalǵan kóp qabatty úılerdiń páterleri de aldaǵy qazan aıyndaǵy jylytý maýsymy bastalǵan kúnge deıin óz ıelerin tappaq. Eldiń batys bosaǵasyndaǵy besinshi shaǵyn aýdannyń bola­sha­ǵy týraly Memleket basshysyna Batys Qazaqstan oblysy ákiminiń orynbasary Tımýrjan Shákimov baıandap berdi. Aldaǵy kezde munda arnaıy jobaǵa sáıkes áleýmettik-turmystyq nysandar men mektepter, emhana salynbaq. Sonymen birge, atalǵan aýdan aýmaǵynda Nazarbaev ıntel­lek­týaldyq mektebi ǵımaratynyń qurylysy aıaqtalyp keledi. Bu­ǵan tıisti qarajat respýb­lı­ka­lyq bıýdjetten bólingen. Nursultan Nazarbaev memlekettik komıssııa qabyldap alǵan joǵaryda atalǵan toǵyz qabatty 240 páterli úıdiń janynda óńir­degi qurylys salasynyń jetekshilerimen emen-jarqyn áńgi­me­lesti. – Bul úıdiń bas merdigeri Aleksandr Potıchenko myna tur­ǵan azamat, – dep tanystyrdy Ba­tys Qa­zaq­stan oblysynyń áki­mi B.Izmu­ham­betov Nursultan Ábish­uly­na qu­ry­lys tarlanyn. – Jaraısyń! – dep osy sátte Memleket basshysy onyń qolyn qysty. Sondaı-aq kezdesýde Oral qalasyndaǵy «OtdelStroı» qu­ry­lys fırmasy sylaqshylar brı­gadasynyń brıgadıri Meń­su­lý Sherbakova men syrlaýshylar tobynyń jetekshisi Ǵazıza Aı­ty­manova Elbasyǵa ózderiniń rıza­shy­lyq pen alǵys sezimderin bildirdi. – Nursultan Ábishuly, oral­dyq qurylysshylarǵa degen siz­diń qoldaýyńyz ben qamqor­ly­ǵyńyzdy seziný bizdi árdaıym úl­ken qýanyshqa bóleıdi. Qııa­ly­myzdy kókke samǵatady. Bul biz úshin úlken mártebe. Oblystan tys jerden qurylys salýǵa birde-bir kásiporyn kelgen joq. Bárin jergilikti merdigerler atqardy. Bul júzdegen, myńdaǵan osy jerdiń turǵyndary tıisti tap­sy­rys alyp, qarajat tapty degen sóz. Soǵan saı otbasy bıýdjetterin tolyqtyrǵany da belgili. Sol úshin de sizge kóp rahmet, Nur-aǵa! – dedi olar. Qyz Jibektiń kóshindeı demesek te, óńkeı bir qyz-kelin­shek­ter­den qurylǵan brıgada mú­she­lerine arnaıy kıim úlgileri úste­rine quıyp qoıǵandaı jarasyp-aq turdy. Mundaı uqyptylyq pen tazalyq, jınaqylyq pen qunt­tylyq Elbasynyń kóńilinen shyqqany anyq edi. Myna túr­le­rińmen bı keshine barýlaryńa da bolǵandaı eken, – dep ázil-shy­nyn aralastyra ún qatty Nur­sul­tan Ábishuly kóp ult ókil­de­rinen quralǵan qurylysshy qyz-kelinshekterge. Oral óńirinde tasqyn sý zar­daptaryna ushyraǵan turǵyn­dar­ǵa arnalǵan turǵyn úı keshenderi óte qysqa ýaqyttyń aralyǵynda boı kótergeni belgili. Árıne, bul aıtýǵa ǵana jeńil. О́ıtkeni, ol qoldy bir bulǵaǵanda ózgerip sala beretin sıqyrshynyń taıaǵy emes. Mine, osy istiń bastama­shy­sy da, dem berýshisi de eń aldy­men Elbasy ekenine osy jerde taǵy da kóz jetkize tústik. О́ıt­keni, Memleket basshysy Oral óńirindegi búkil qurylys jumys­ta­ry jaz aılary ishinde bitýi kerek degen mindet qoıdym degen sózin shegeleı jetkizdi. Mine, Elbasy qoıǵan mindet pen talap oıdaǵydaı oryndalyp keledi. Budan artyq nendeı mereı, nendeı mártebe bolmaq! Oblystaǵy qurylys maman­dary­men oı-pikir almasý bary­synda Prezıdent Nursultan Nazarbaev óziniń eki kúndik sapary kezinde kórgenderi men kóńilge túıgenderi týraly da aıtyp berdi. Atap aıtqanda, Elbasy táýel­siz­dik jyldarynda Oral óńirinde bolǵan ózgerister kóńilinen shy­ǵa­tynyn jetkizdi. Osy aralyqta oblysta 66 mektep, 33 balabaqsha salynyp, paıdalanýǵa berilipti. Salystyrmaly túrde alǵanda, keńestik dáýirde belgili bir ýaqyt ólshemine shaqqanda mundaı ná­tı­je men kórsetkish múldem bolǵan emes. Osynshama áleýmettik ny­san­dar boı kótergen joq. Munyń ózi, eń aldymen, táýelsizdiktiń jemisi ekeni kámil. Sonymen birge, táýelsizdik tusynda óńirdi tolyq gazdandyrý baǵdarlamasy iske asqanyna Memleket bas­shysy kóńili tolatynyn aıtty. – Bul kórsetkishti 100 paı­yz­ǵa jetkizip pe edińizder? – Bul saý­aldy Nursultan Ábshiuly Batys Qazaqstan oblysynyń ákimi Baq­ty­qoja Izmuhambetovke qoıdy. Oǵan oblys basshysy: – Iá, Siz aıtqan úlken mejege jaqyndap kelip qaldyq, – dep jaýap qaıtardy. – Munyń ózi úlken jetistik. О́ńirdegi eldi mekender men aýyl­dardy túgelge jýyq gazdandyrý sharalaryn júrgizý arqyly sizder bul salada ózge óńirler men oblystar arasynda kósh bastap kelesizder, – dedi Prezıdent. Sapary sońynda Elbasy ta­q­y­rypqa shyǵaryp otyrǵa­ny­myz­daı, oblys jaqsy damyp keledi dep túıin jasady. Temir QUSAIYN. Batys Qazaqstan oblysy.