Fransııa elshisin qabyldady

Keshe Parlament Senatynyń Tóraǵasy Qaırat Mámı Fran­sııanyń Qazaqstandaǵy elshisi Jan-Sharl Bertoneni qabyldady, dep habarlady Senattyń bas­pasóz qyzmeti. Kezdesý barysynda Qazaqstan men Fransııanyń ekijaqty qa­ty­nas­taryn, onyń ishinde parla­ment­aralyq deńgeıdegi baıla­nys­tardy odan ári nyǵaıtý má­se­leleri talqy­lan­dy. «Fransııa Qazaqstannyń Eý­ropadaǵy ma­ńyz­dy áriptes­te­ri­niń biri bolyp tabylady», dedi Q.Mámı. Eki el arasyndaǵy saıası syn­darly únqatysýdy atap óte kelip, Senat Tóraǵasy prezıdentter N.Na­zarbaev pen N.Sarkozı ar­a­syn­da qalyptasqan senimdi jáne dos­tyq baılanystardy atap ótti. So­nymen qatar, Qazaqstannyń syrt­qy saıası bastamalaryna qol­daý bildirgeni úshin Fransııa bas­shy­­lyǵyna rızashylyǵyn bildirdi. Parlament Senatynda Fransııa Senatymen yntymaqtastyq toby jumys isteıdi. Fransııa Senatynda bizdiń elimizdiń ejelgi dosy senator Emerı De Monteskıý basqaratyn «Fransııa-Qazaqstan» dostyq toby quryl­dy, dedi Q.Mámı. Budan keıin Tór­aǵa óz áriptesine, Fransııa Senatynyń tóraǵasyna sálem joldady jáne ózine qolaıly ýa­qytta Qazaqstanǵa resmı saparmen kelýge shaqyrdy.