«Kári qudanyń» ekpini tym qatty: «soqyr mylqaýdyń» tiri janǵa da, malǵa da aıaýshylyq bildiretin túri kórinbeıdi. Bar ashýyn boıyna jınaı kelip, birden álek saldy. Kún raıy kúrt sýytyp, soltústikqazaqstandyqtardyń eki aıaǵyn bir etikke tyǵyp qoıǵan jaıy bar. Ásirese, aýyldyqtar dirdek qaǵyp, aq kórpesin aıqara jamylǵan qys qabaǵy qatýly bolmasa eken degen tileýde. О́ıtkeni, bul kezderi úılerin aǵash otynmen-aq jylytatyn bolsa, temperatýranyń kúrt tómendeýi saldarynan kómirge degen suranys birden ósti. Alaıda, eldi mekender men oblys arasyn alashapqyn etken adamdar sapaly kómir tappaı dal. Ákki deldaldar da ábden qýlanyp alsa kerek. Jasyryn qoımalarǵa jolatqylary kelmeıdi. Aldymen ótimsiz ónimderden qutylǵansha asyq. Erterek qamdanyp úlgirmegender barǵa qanaǵat, joqqa salaýat aıtyp jatsa, ebin tapqan eptilerdiń upaıy túgel.
Alystan at terletip kelgenderdiń biri Tatıana Golyshevanyń shybyn jany shyrqyrap, shyryldap júr. Qansha sandalsa da, sapaly kómir tappaı keri oralýǵa májbúr bolǵan. Sol sııaqty Turaly Sıbanov ta 150 shaqyrym jerden Petropavl qalasyna ekinshi ret kelýge májbúr bolǵan. Sonyń ózinde qurqol qaıtqan. Ne isterin bilmeı árli-berli sendelip júrgender az emes. Temir jol qoımalarynda sapasyz kómir jetkilikti bolǵanymen, Qarajyra men Shubarkóldiń ónimin izdeýshiler jyrtylyp aıyrylady.
Tasymaldaýshy operatorlardyń aıtýynsha, Shubarkól kómir kenishinde vagondar jetkiliksiz. «Transkom» JShS kelisimshart boıynsha aptasyna bes vagon kómir ákelgenimen, suranys óteler emes.
Atamyz qazaq «qys arbańdy, jaz shanańdy saıla» dep tekke eskertpese kerek.
О́mir ESQALI,
«Egemen Qazaqstan»
Soltústik Qazaqstan oblysy