Ýnıversıadanyń bas medısınalyq seriktesi

Almatyda 2017 jylǵy 28-shi Dúnıejúzilik Qysqy Ýnıversıadany uıymdastyrý jáne ótkizý boıynsha dıreksııasy halyqaralyq INVITRO medısınalyq kompanııasymen yntymaqtastyq týraly ekijaqty kelisimge keldi. Sonyń negizinde INVITRO kompanııasy halyqaralyq jarystardyń resmı medısınalyq seriktesi atandy. Kelisim negizinde medısınalyq kompanııa jarysqa qatysýshylardy laboratorııalyq dıagnostıkamen tolyq qamtamasyz etetin bolady. Osy maqsatta medısına­­lyq kompanııada 13 basty analız­di quraıtyn arnaıy «INVITRO deni saý komandasy» pro­fıli jasaldy. Olardy OAK, ALT, AST, jalpy belok, bılırýbınder, kreatının, glıýkoza, holesterın, K/NA/CA2, testosteron, kortızol jáne SK-kreatınkınaza quraı­dy. Bir aıta keterligi, Ýnı­versıada kezinde INVITRO kompanııasy qatysýshylarǵa kez kelgen laboratorııalyq zertteýden ótýine múmkindik beredi. Biraq ol úshin dárigerdiń ruqsaty qajet. – 28-shi Dúnıejúzilik Qysqy Ýnıversıada men INVITRO kompanııasynyń arasyndaǵy seriktestik – uıym­dastyrýshylar tarapy­nan qatysýshylardyń sapaly laboratorııalyq dıagnostı­ka­dan ótkenin qalaıtynyn bildiredi, – deıdi INVITRO kompanııasynyń bas dırektory Aleksandra Tımofeeva. Onyń aıtýynsha, osy tur­ǵyda kompanııada barlyq múm­kindikter bar. Buǵan ozyq zamanaýı jabdyqtar, joǵary dárejeli mamandar kómekke keledi. О́z kezeginde qysqy Ýnı­ver­­sıadany ótkizý jáne uıym­dastyrý dıreksııasy dırek­torynyń orynbasary Kámıla Luqpanova atalǵan serik­tes­tiktiń mańyzdylyǵyn atap ótti. – Ýnıversıadanyń uıym­dastyrý komıteti sportshy­lar­ǵa beıjaı qaraı almaıdy, sondyqtan olardyń sapaly dıagnostıkadan ótkenin qalaımyz. Sondaı-aq, analızder pro­fıli Ýnıversıadanyń basty ári mańyzdy medısınalyq qamtamasyz etýi bolyp tabylady. Osy oraıda, INVITRO bizdiń resmı seriktesimiz atanǵanyna óte qýanyshtymyz. Budan bólek, oıyndar kezinde Almaty qalasynyń 8 stasıonary medısınalyq kómek kórsetip, 30 jedel járdem brıgadasy jumyldyrylatyn bolady, – dedi ol. Gúlzeınep SÁDIRQYZY, «Egemen Qazaqstan»