Túsinistik memorandýmyna qol qoıdy

Keshe Rıga qalasynda Qazaqstan Respýblıkasy Ortalyq saılaý ko­mıs­sııasynyń tóraǵasy Qýandyq Turǵan­qu­lov pen Latvııa Respýblıkasy Orta­lyq saılaý komıssııasynyń tóraǵasy Arnıs Sımdars Qazaqstan Respýb­lı­kasy Ortalyq saılaý komıssııasy men Latvııa Respýblıkasy Ortalyq saılaý komıssııasy arasyndaǵy ózara tú­sinistik týraly memorandýmǵa qol qoıdy. Memorandýmǵa qol qoıý eki eldiń saılaý organdary arasyndaǵy yntymaq­tas­tyqty odan ári damytý jolyndaǵy mańyzdy ári ýaqtyly jasalǵan qadam bolyp tabylady. «Yntymaqtastyq pen áriptestiktiń keńeıtilgen pishini bizdiń elderimizdiń ortaq demokratııalyq ıgiligi bolyp tabylatyn ıdealdar men usta­nym­dardy iske asyrýǵa jáne qorǵaýǵa múm­kindik beretin bolady. Biz úshin olardyń negizgileri – azamattardyń konstıtýsııamen bekitilgen saılaý jáne saılaný quqyǵy. Latvııa men Qazaqstannyń saılaý organdarynyń azamattardyń saılaý quqyǵyn iske asyrý, ártúrli deńgeıdegi saılaýlardy uıymdastyrý, ótkizý jáne quqyqtyq retteý salasynda jınaqtaǵan tájirıbesi orasan zor. Ony tereń zerdelep taldaý tek ulttyq saılaý zańyn da­my­týdyń utymdy ádisteri men joldaryn anyqtap qana qoımaı, demokratııalyq saılaý úrdisiniń jalpy damýyna da aıtarlyqtaı yqpal ete alady», – dep atap ótti óz sózinde Qýandyq Turǵan­qulov. Sondaı-aq, taraptar bul qujatqa qol qoıý saılaý úderisi salasynda Qazaqstan – Latvııa yntymaqtastyǵynyń damýyna jańa serpin beredi jáne onyń basty ereksheligi – eki eldiń saılaý organdarynyń arasynda naqtyly áriptestikke, tikeleı qarym-qatynastarǵa kóshý bolady degen senimderin bildirdi. Qazaqstan Respýblıkasynyń Ortalyq saılaý komıssııasy.