QR eńbek zańnamasynyń saqtalýyn baqylaý maqsatynda osy jyldyń 10 aıynda Ońtústik Qazaqstan oblysynyń mekemeleri men kásiporyndarynda 702 tekserý júrgizildi. Bul týraly oblystyq Eńbek ınspeksııasy jónindegi basqarmasynyń basshysy Basqar Esqaraev aıtty.
Onyń aıtýynsha, júrgizilgen tekserýlerdiń barysynda 1166 zań buzýshylyq anyqtalǵan. Onyń 840 eńbek týraly, 254 eńbek qaýipsizdigi men eńbekti qorǵaý boıynsha bolsa, 71-i ózge faktiler. Anyqtalǵan zań buzýshylyqtardyń ishinde 1035-i joıylyp, zańǵa sáıkestendirilgen.
Basqarma basshysy óz esebinde atalǵan zań buzýshylyqtyń basym bóligi eńbek zańnamasynyń saqtalmaýy, ıaǵnı, jumysqa qabyldanǵan qyzmetkerlermen eńbek sharttarynyń jasalmaýy, jalaqynyń ýaqytyly tólenbeýi, ústeme, mereke jáne demalys kúnderindegi jumysqa, sondaı-aq túngi ýaqyttaǵy jumysqa tıisinshe aqy tólemeý, jumys berýshiler tarapynan áıelderdiń eńbek quqyǵyna qysym jasalýy sııaqty faktilerdi keltirdi.
Baqtııar TAIJAN,
«Egemen Qazaqstan».
Ońtústik Qazaqstan oblysy.