24 qarasha kúni Qyzylordada kóshbasshy jastardyń dástúrli «Syr úmiti» syılyǵy tabystaldy. Marapatty oblys ákimi Qyrymbek Kósherbaev tapsyrdy.
О́ziniń alǵysózinde Qyrymbek Kósherbaev oblysta jastarǵa sapaly bilim berý, turaqty jumysqa ornalasý jáne ózin-ózi damytý úshin barlyq múmkindikter jasalyp jatqandyǵyn aıtty.
- 200-ge jýyq qyzylordalyq «Bolashaq» baǵdarlamasynyń stıpendıaty atandy, olardyń 80 nen astamy Qyzylorda oblysynda jumys isteıdi. 20 myńnan asa qyz-jigit «Jasyl el», «Dıplommen aýylǵa» jáne «Jastar tájirıbesi» memlekettik baǵdarlamalaryna qatysty. Respýblıkada alǵash ret bizdiń oblysta eńbek resýrstarynyń balansy quryldy. 391 stýdent Syr eline qajetti mamandyqtar boıynsha Reseıdiń aldyńǵy qatarly joǵarǵy oqý oryndarynda bilim alýda, 4 myńǵa jýyq jas túlek «Serpin» baǵdarlamasymen oqyp jatyr. 512 ozat oqýshy oblys ákiminiń grantyna ıe boldy. Bıyl alǵash ret oblysta shyǵys jastarynyń kóshbasshysy Ǵanı Muratbaev atyndaǵy syılyqty tabystadyq. Keleshekte bul dástúr jalǵasyn tabatyn bolady,- dedi oblys ákimi.
Saltanatty sharanyń sońy konserttik baǵdarlamaǵa ulasty.