Sankt-Peterborda Alashorda kósemi, Reseıdiń Tuńǵysh Memlekettik Dýmasynyń depýtaty (1906 j.) Álıhan Bókeıhannyń eskertkish-bıýstin TMD-ǵa qatysýshy memleketterdiń Parlamentaralyq Assambleıasyna tartý etý saltanaty boldy. Bul týraly Senattyń baspasóz qyzmeti habarlady.
Bıýst Reseıdiń alǵashqy Dýmasynyń otyrysy ótken Tavrııa saraıyndaǵy TMD Parlamentaralyq Assambleıasynyń shtab-páterine qoıyldy. Músindi jasaǵan – О́mirzaq Shańov.
Saltanatty asha kelip, Senat Tóraǵasy Qasym-Jomart Toqaev «Qazaqstan Táýelsizdiginiń 25 jyldyǵy men HH ǵasyrdyń basyndaǵy kórnekti qazaq zııalysynyń týǵanyna 150 jyl tolǵany atalyp ótetin jyly bıýstiniń Sankt-Peterbordaǵy Tavrııa saraıyna ornatylýy erekshe maǵynasy bar ekenin atap ótti. Tóraǵa osy mereıtoıǵa baılanysty estelik sharalar IýNESKO aıasynda ótip otyrǵanyn eske saldy.
«Álıhan Bókeıhannyń qyzmeti bıik adamgershiliktiń, ulttyq jáne azamattyq paryzyna kirshiksiz adaldyq pen shynaıy berilýdiń úlgisi bolyp tabylady», – dep atap ótti Qasym-Jomart Toqaev.
Saltanat barysynda Qazaqstan Parlamenti Májilisiniń Tóraǵasy Nurlan Nyǵmatýlın, TMD PAA Keńesiniń Tóraǵasy, Reseı Federasııa Keńesiniń Tóraǵasy Valentına Matvıenko, Reseı Memlekettik Dýmasynyń Tóraǵasy Vıacheslav Volodın, Ázerbaıjan Mıllı Medjlısiniń Tóraǵasy Oktaı Asadov sóz sóıledi.
«Búgingi tańda Qazaqstan men Reseı eki eldiń basshylary Nursultan Nazarbaev pen Vladımır Pýtınniń salıqaly saıasatynyń arqasynda Eýrazııa keńistigindegi ıntegrasııanyń qozǵaýshy kúshine aınalyp otyr. Osy oraıda, bıýsttiń tanystyrylý saltanaty Qazaqstan Táýelsizdiginiń 25 jyldyǵyna oraı ótýiniń sımvolıkalyq máni bar. О́tken jyldar ishindegi bizderdiń memleketterimizdiń qarym-qatynasy ilgerilemeli damýdy aıshyqtap, TMD keńistiginde strategııalyq jáne odaqtastyq seriktestiktiń jarqyn úlgisi bola bildi», - dedi Nyǵmatýlın.
Saltanatty sharany aıaqtaı kelip Q. Toqaev, Á.Bókeıhannyń bıýsti Reseı, Qazaqstan jáne Dostastyq elderiniń arasyndaǵy tarıhı baılanystar ýaqyty men dostyq qarym-qatynastardyń belgisine aınalatynyna nyq senim bildirdi.