Almaty qalasyndaǵy «Bóbek» ulttyq ǵylymı-praktıkalyq bilim berý jáne saýyqtyrý ortalyǵynda bolashaq urpaqtyń rýhanı dúnıesi baı, baqytty jáne jan-jaqty damyp ósýine arnalǵan «Bıik oılar aspany» atty «О́zin ózi taný» páni boıynsha respýblıkalyq olımpıada ótti.
Olımpıadaǵa Qazaqstannyń on tórt oblysynan, Astana, Almaty qalasynan (qala mektepteriniń qurama, Nazarbaev zııatkerlik mektepteriniń, «О́zin ózi taný» gımnazııasynyń komandalary) 101 oqýshy qatysty. Atalmysh sharanyń negizgi maqsaty – oqýshylardyń shyǵarmashylyq áleýetin damytý, tulǵalyq qasıetterin, azamattyq ustanymyn kórsetý, ózin ózi jetildirýge jáne tanýǵa umtylysyn qoldaý arqyly balalar men jasóspirimderge rýhanı-adamgershilik bilim berý.
Táýelsizdik Qazaqstannyń jáne ondaǵy kópultty halyqtyń tarıhyna túbegeıli ózgerister ákeldi. Osylaı, 2010 jyly elimizdiń bilim berý júıesine «О́zin ózi taný» páni engizildi. Bul – bilim berý úderisindegi úlken jetistik. Bilim berý júıesi búgingi qoǵam men adamǵa mańyzdy bolyp tabylatyn óz-ózimen jáne qorshaǵan ortamen úılesimdi ómir súretin tulǵanyń damýyna baǵyttalýy tıis. Osy oraıda, jas urpaqtyń rýhanı mádenıetin arttyryp, kórkemdik álemin baıytýda, dúnıetanymyn qalyptastyryp, salamattylyqqa tárbıeleýde «О́zin ózi taný» pániniń orny erekshe. Bul pán jeke tulǵanyń ózin ózi tanýyna jáne rýhanı baıýyna áser ete otyryp, árbir tulǵanyń jaqsy jaqqa ózgerýine múmkindik beredi. Sonymen qatar, ol jeke tulǵa retinde ózin ózi tanýǵa jáne ómirlik ustanymyn, dúnıe tanymdyq deńgeıin anyqtaıtyn qundylyqtar sapasyna ıe bolýǵa baǵyt-baǵdar beredi. «О́zin ózi taný» rýhanı-adamgershilik bilim berý baǵdarlamasynyń avtory Sara Alpysqyzy Nazarbaevanyń sózimen aıtsaq: «Jalpyadamzattyq qundylyqtardyń mánin ashatyn, qarapaıym adamgershilik normalary bolyp tabylatyn jaýapkershilikti seziný, ar-namysty saqtaý, mahabbat pen janashyrlyq tanytý, rııasyz jaqsylyq jasaı bilý negizinde balanyń ózindik tulǵasyn qalyptastyryp, damytý – bilim berý men tárbıeleýdiń negizgi ózegi bolýǵa tıis. Bizdiń basty mindetimiz – atalǵan qundylyqtardy balalarymyz ben jasóspirimderdiń basqa tulǵalarmen, qorshaǵan ortasymen, bar álemmen baılanys jasaý qajettiligine aınaldyrý. Mine, osy talaptarǵa «О́zin ózi taný» rýhanı-adamgershilik bilim berý baǵdarlamasy jaýap beredi».
Olımpıada nátıjesi boıynsha 25 qatysýshy birinshi dárejeli dıplomǵa, 51 qatysýshy ekinshi dárejeli dıplomǵa, 25 qatysýshy úshinshi dárejeli dıplomǵa ıe boldy. Ásirese, Aqtóbe, Batys Qazaqstan, Jambyl jáne Qyzylorda oblystarynyń, Almatydaǵy «О́zin ózi taný» gımnazııasynyń oqýshylary úzdik nátıjeler kórsetti.
Nurgúl ÁRINOVA,
«Bóbek» ortalyǵynyń ǵylymı qyzmetkeri