Eýrazııalyq ekonomıkalyq odaq pen Sıngapýr arasyndaǵy erkin saýda aımaǵy týraly kelisimdi 2017 jyly jasap, 2018 jyldyń birinshi jartysynda ratıfıkasııalaý josparlanýda, dep habarlady Reseı-Sıngapýr úkimetaralyq komıssııasynyń otyrysynda RF birinshi vıse-premeri Igor Shývalov. Bul týraly RIA Novostı habarlady.
«Bizge Sıngapýrmen erkin saýda týraly kelisim jasasý boıynsha yntymaqtastyq asa mańyzdy. Sebebi, Sıngapýr ASEAN qatysýshysy. Halyqaralyq saýdamen aınalysatyn mamandar Sıngapýrdy tek Eýrazııalyq ekonomıkalyq odaqpen kelisimge negizdelgen saýda-ekonomıkalyq qatynasy bolatyn bólik retinde ǵana emes, qatynasty odan da keńeıte túsýdi qarastyrýda. Bul ASEAN arqyly júzege aspaq», – dedi Shývalov.
Onyń aıtýynsha, osy jyldyń mamyr aıynda Sochıde ótken Reseı-ASEAN kezdesýinde ASEAN-ǵa kiretin basqa da elder Reseı Federasııasyna erkin saýda týraly kelisim jasasýdy usyndy.
«Bizde Reseı prezıdentinen Sıngapýrmen aıqyn nusqaýlyq bar. Iаǵnı, 2017 jyldyń aıaǵyna deıin kelisim jasasyp, 2018 jyldyń birinshi jartysynda ratıfıkasııalaý rásimderin júrgizý úshin osy ýaqytty paıdalanýǵa barlyq múmkindik bar ekenin rastaımyn», – dep qosty Shývalov.
EAEO-ǵa Qazaqstan, Belarýs, Qyrǵyzstan, Armenııa kiredi.