Elordada aldynǵy qatarly álemdik kompanııalardyń qatysýymen qalalyq jáne agrarlyq tehnologııalar, medısınalyq tehnologııalar, energetıka jáne fintech ortalyqtary qurylady. Osy ortalyqtardyń aınalasyna startap jobalarǵa qoldaý kórsetiledi. Osy maqsatta Astananyń jeke baǵdarlamasy quryldy. Atalǵan baǵyttarda jumys isteıtin úzdik ınnovasııalyq kompanııalarǵa jyl sońyna deıin 30 mln teńge bólinedi. Bul týraly búgin Áset Isekeshev Astanada HI Innovasııalyq forýmda aıtty.
«Smart Astana» baǵdarlamasyn iske asyrý barysynda qala basshylyǵy turǵyndardyń qajettilikterin, atap aıtqanda, bilim, densaýlyq saqtaý, qoǵamdyq kólik jáne t.b. salalardaǵy aqyldy tehnologııalardy nazarǵa alatyn bolady.
Bul tehnologııalar adamdardy jaıly ómir súrý jaǵdaılarymen qamtamasyz etedi.
«О́tken aptada biz «Start Up Session» ótkizdik, onda Nazarbaev Ýnıversıtetiniń qala mindetterin sheshýge baǵyttalǵan úzdik jobalary tanystyryldy. Biz mundaı kezdesýlerdi turaqty túrde ótkizip, eń jaqsylaryn tańdap, qalada engizetin bolamyz», - dedi Astana ákimi.
«Búginde álem ekonomıkasynyń damýy jahandyq qalalarǵa baılanysty, sol sebepti biz Astanany Global Smart City-ge aınaldyrmaqpyz. Jahandyq qalalar damýynyń álemdik úderisterine beıimdelgen qalany damytýdyń jańa strategııasy iske asyrylýda», - dedi Astana ákimi.