26-27 qarasha kúnderi Tarazda Dinmuhamed Qonaevty eske alýǵa arnalǵan halyqaralyq týrnır ótedi, dep habarlaıdy Grek-rım, erkin jáne áıelder kúresi federasııasy. Bıyl týrnırge Reseı, Ázirbaıjan, О́zbekstan, Qyrǵyzstan, Grýzııa, Mońǵolııa men Qazaqstannyń balýandary qatysady. Týrnırdi uıymdastyrýshy - QR sport jáne dene shynyqtyrý komıteti, grek-rım, erkin jáne áıelder kúresi federasııasy, Jambyl oblysynyń dene shynyqtyrý jáne sport basqarmasy, «Altais Group» kompanııasy. 8 salmaq kategorııasynyń árqaısysy boıynsha jeńimpazǵa 5000 AQSh dollary, ekinshi orynǵa 3000 dollar, úshinshi orynǵa 1000 dollardan beriledi. Jeńimpazdyń jeke jattyqtyrýshysy 1000 dollar alady.