Búgin Qazaqstan Respýblıkasynyń Bilim jáne ǵylym vıse-mınıstri Elmıra Sýhanberdıeva daryndy balalarmen – halyqaralyq pán olımpıadalary jeńimpazdarymen kezdesti. Bul dástúrli kezdesýdi «Daryn» respýblıkalyq ǵylymı-praktıkalyq ortalyǵy uıymdastyrdy, dep habarlaıdy QR Bilim jáne ǵylym mınıstrliginiń baspasóz qyzmeti.
Kezdesýdiń maqsaty – memleketimizdiń bolashaq ıntellektýaldyq elıtasyn quraıtyn, halyqtyń ál-áýqatyn jaqsartyp, elimizdiń ornyqty damýyna úlesin qosatyn talantty balalar men jastardy qoldaý.
25 jyl tóńireginde qazaqstandyq oqýshylar halyqaralyq deńgeıdegi olımpıadalarda 9346 medal jeńip alǵan. 1998-altyn, 2895-kúmis, 4143-qola júldeler. Bedeli joǵary halyqaralyq olımpıadalarǵa qatysý nátıjesinde Qazaqstan qurama komandasy jaratylystaný-matematıka pánderi boıynsha álemde 12 oryndy ıelenip otyr.
Jıynǵa el aımaǵynyń ár túkpirinen kelgen daryndy 40 oqýshy qatysty. Atalmysh sharada Elmıra Sýhanberdıeva mınıstirliktiń qonaqtaryn táýelsizdiktiń 25 jyldyǵymen qutyqtap, oqýshylarmen olımpıada, aldaǵy birińǵaı ulttyq testileý jaıly suhbattasyp, syılyqtar tapsyrdy.