BQO-nyń jergilikti bıýdjetine 64 mlrd teńge tústi. Bul ótken jylǵydan 9,2 mlrd teńgege artyq, dep habarlady QazAqparat.
BQO boıynsha memlekettik kirister departamentinen túsken málimetke qaraǵanda, óńirde jergilikti bıýdjet jospary respýblıkada alǵashqylardyń biri bolyp, asyra (103,5 paıyzǵa) oryndaldy.
Jergilikti bıýdjetke túsimniń negizin (76 paıyzyn) tabys jáne áleýmettik salyq quraıdy. Eńbekaqy qorynyń 11 paıyzǵa jáne qosymsha túsimderdiń 150 paıyzǵa kóbeıýine baılanysty atalmysh salyqtar boıynsha 48,3 mlrd teńge (ósim - 9,2 mlrd teńge) bıýdjetke tústi.
Salyq bazasyn keńeıtý jáne túsimderdi kóbeıtý baǵytynda alynǵan sharalardyń nátıjesinde qosymsha 3,8 mlrd teńgeniń túsýi qamtamasyz etildi. Bul ótken jylǵydan 3 esege artyq. Qosymsha túsimderdiń qomaqty bóligi (2,3 mlrd teńge) salyqtyq tekserýler esebinen tústi. Sondaı-aq, qorshaǵan orta emıssııasy úshin tólem 2,1 mlrd. teńgeni qurasa, kameralyq tekserý boıynsha 1,1 mlrd teńge, merziminde túspegen salyqty óndirý esebinen 525 mln teńge tústi.