Bul konsertte «Abaı óleńi» ániniń tusaýy kesildi
Astanadaǵy «Kongress-holl» saraıynda ánshi-sazger Kentaý Nazarbektiń Táýelsizdigimizdiń 25 jyldyǵyna arnalǵan «Qazaǵym, jasa máńgilik!» atty shyǵarmashylyq keshi ótti. Onda R.Stamǵazıev, K.Tólenbaeva, E.Rysqalı, D.Tańatarov, t.b. aıtýly ánshiler men «Alaman» toby óner kórsetti.
Dástúrli ánder saltanat qurǵan bul keshtegi atap óterlik jańalyq –halyqaralyq «Alash» ádebı syılyǵynyń laýreaty, talantty aqyn Ádilǵazy Qaıyrbekov sózin jazǵan «Abaı óleńi» (áni K.Nazarbektiki) ániniń Qaıyrjan Berdibaevtyń tamyljyta oryndaýymen tusaýy kesilýi edi. Jasyratyny joq, Abaı ánderiniń jıi shyrqalýynan qulaq quryshy ámanda qanyp keledi ǵoı. Biraq Abaıdyń ózine arnap salynatyn ánderdiń sırektigi sezilip te júretin. Mine, Táýelsizdik mereıtoıy qarsańynda qanattanǵan bul án sondaı olqylyqtyń ornyn toltyrýymen de erekshelenetin syńaıly.
Júzden astam ánniń avtory Kentaý Nazarbektiń shyǵarmashylyq keshi Qazaq eliniń máńgilik jasampazdyǵyn pash etetin rýhanı órisimen tyńdarmandaryn oılantyp-tolǵantyp, shýaqty sezimge bóledi, bolashaq jaqsy kúnderge yntalandyra tústi.
«Egemen-aqparat»