Senim men serpin ushtasqanda utymdy

Petropavl qalasynda Prezıdent janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń uıymdastyrýymen «EAEO aıasynda áıelderdiń shekaralyq ekonomıkalyq yntymaqtastyǵynyń basymdyqtary» taqyrybynda shekara mańyndaǵy aımaqtar áıelderiniń forýmy ótti. «25 ıgi is» aksııasy sheńberinde uıym­dastyrylǵan shara El Táýelsizdiginiń shırek ǵasyrlyq mereıtoıyna arnaldy. Forýmnyń kún tártibinde Qazaqstan men Reseı shekarasy aýmaǵynda jańa baılanystardy nyǵaıtý, týrızmdi damytý, «aýyldan aýylǵa» jobasy boıynsha eldi meken kásipkerleri arasyndaǵy iskerlik qarym-qatynasty óristetý sekildi máseleler talqylanyp, Reseıdiń Qorǵan, Omby, Túmen, elimizdiń Aqmola, Qostanaı, Pav­lo­dar, Soltústik Qazaqstan oblystarynan kel­gen kva­zı­memlekettik sektorlar men isker top­tar ókil­deri birqatar mańyzdy oı-usynys­tar aıtty. Alqaly jıyndy Prezıdent janyndaǵy Áıelder isteri jáne otbasylyq-demo­grafııa­lyq saıasat jónindegi ulttyq komıssııa tóraıy­my­nyń orynbasary, Parlament Májilisiniń depýtaty Elena Tarasenko kirispe sózben ashyp, ulyq mereke qarsańynda Parla­ment palata­larynyń birlesken májilisinde «Táýel­sizdiktiń 25 jyldyǵy Qazaqstannyń jetistikteri» Deklarasııasy qabyldanǵanyn, onda elimizdiń jetken zor jetistikterine oryndy baǵa berilgenin atap ótti. Forýmǵa qatysýshylardy aımaq basshysy Erik Sultanov quttyqtap, qazirgi ýaqytta Eýrazııalyq ekonomıkalyq odaqtyń Uly Jibek jolyn jandandyrýdyń sheshýshi býynyna aınalǵanyna toqtaldy. Reseı Federasııasy elsh­i­liginiń keńesshisi Elena Lysenko, Par­la­ment Senatynyń depýtaty Olga Perepechına, Ulttyq ekonomıka mınıstrligi halyqaralyq ekonomıkalyq ıntegrasııa departamentiniń dırektory Ernar Bákenov, Omby qalasyndaǵy «Skolıoz-dıagnostık» medısınalyq ortalyq dırektorynyń orynbasary Marına Stepkına, Soltústik Qazaqstan oblystyq áıelder isteri jáne otbasylyq-demografııalyq saıa­sat jónindegi komıssııanyń jetekshisi Anarhan Dúısenova, taǵy basqa sheshender óz sóz­derine EAEO aıasynda kórshi elderdiń ulttyq ekono­mı­ka­syn damytýǵa serpin berý, shaǵyn jáne orta bıznes sektorynda áıelderdiń úle­sin art­tyrý, genderlik saıasattyń basym­dyq­taryn tıim­di paıdalaný, jańa ekonomıkalyq múm­kin­dik­ter órisin keńeıtý máselelerin arqaý etti. Osymen elimizde úshinshi ret ótip otyrǵan forýmda Qazaqstan men Reseı arasyndaǵy taýar aınalymy jaqsaryp kele jatqany aıtyldy. Byltyr onyń mólsheri 17 mıllıard AQSh dollaryn qurap, 26 paıyzǵa ulǵaıǵan. Sońǵy on jylda 10 mıllıard dollar ınves­tısııa quıylǵan. Kóńil qýantarlyq basqa da mysaldar molynan keltirilip, bıznes, kásip­kerlik salaǵa áıelderdiń qosyp otyrǵan úlesi­ne joǵary baǵa berildi. Paneldik sessııalarda árqıly taqyryptar qozǵalyp, forým qorytyndysy boıynsha eki­jaq­ty ýaǵdalastyqty bekitken qarar qabyl­dandy. О́mir ESQALI, «Egemen Qazaqstan» Soltústik Qazaqstan oblysy